الكلام ست ساعات ببلاش من غير الرصيد ما ينقص شلن واحد

عايز تتكلم لمدة 6 ساعات من غير ما تخلص ولا قرش من الرصيد ؟

طبعا مش هاتصدقوني بس أعملو زي ما بقول خطوة خطوة وعلي ضمانتي الرصيد مش
هايخلص ولا الشركة هاتمسكو وتسحب الخط ولا الجن الأزرق هايعرف حاجة عن الموضوع ده

بس إوعو تقولو إني أنا اللي عرفتكو الحركة دي لحسن يقبضو عليا وأروح أنا في
الباي باي وأقعد أغني ظلموه

الخطوات: امشو واحدة واحدة معايا ومحدش
يلخبط:

1- قبل أي حاجة إقفلو الموبايل عشان الدنيا ما تبوظش .
2- إفتحو
الجهاز و خرجو الشريحة .
3- حطو الشريحة في كوباية تمر هندي ((لأ بهزر أوعو حد
يروح زي الأهبل ويعملها))حطوها أحسن في كوباية ماء مغلي لمدة ساعة كاملة عشان تموت
الجراثيم اللي عليها وتعرفو تتكلمو براحتكو .
4- بعد ساعة طلعو الشريحة من
الكوباية وطبعا هتكون مبلولة .
5- عشان تنشفو الشريحة حطوها في الشمس لغاية ما
تلاقو لونها بقي أسود .
6- مبروك شريحتكو اتحرقت .
7- إرمو الشريحة في
الزبالة و روحو إتكلمو من الخط الأرضي (تليفون البيت العادي) لمدة 6 ساعات .

وبكده تكونو اتكلمتو 6 ساعات من غير ما يخلص ولا قرش من الرصيد بتاع شريحة
الموبايل.
هاهاهاهاهاهاهاهاهاها يا حبكم للبلاش!!

هههههههههههههههههههههههههه

تصدق فكره

تسلم يا مزازيكو ع الرد والمتابعة الدائمة لمواضيعى
[ندعوك للتسجيل في المنتدى أو التعريف بنفسك لمعاينة هذه الصورة]

» اجمل ما قيل في الكلام كلام و لا كل الكلام
» الفرجة ببلاش (( عصفور الحــــــــــــــب ))
» الكلام اللي زهقنا منه
» سؤال واحد فقط للشباب و سؤال واحد فقط للبنات ؟؟
» عذب الكلام بجد روعة .......