الفرجة ببلاش (( عصفور الحــــــــــــــب ))

عايز تضحك ولا بلاش

اتفرج دى الفرجة ببلاش

اتهيالى انى بحبه

وانا عن حبه ما استغناش

قلت بحبك ولا قلهاش

لا قالها

ولا حاستهاش

وانا من طيبة قلبى

اطاوعه

وباصدق ولو كان كداب

او جانى وخبط على الباب

وهمس قالى : هنبقى احباب

بس لقلبه دقة غريبة

قلبى سمعها

ما صدقهاش

واتفرج دى الفرجة ببلاش

جاى يقول هاخضر عودك

وهلون بالورد خدودك

والحنة راح تملا ايديكى

وراح اشرب انا من عنقودك

تهت فى نفسى وقلت : ياريت

ابقى انا ضحكة تنور بيت

دورت عليه انا ما لقيت

من يومها وماهو راح ولا جاش