اللى انشغلت عليه

بسمــ اللهـ الرحمنــ الرحيمــ

بعد كده احب ان كل واحد هيدخل ويقرى الموضع ده ياريت يشرفنا ويرد عليه بس من فضلكم بلاش الردود التقليديه يا إما ......... يشكر انه قرأة على كل حال بس تكمل لو هيقراه بتركيز ويفهم معناه

...............

مجرد 3 شباب كل واحد منا يحمل احلامه وامانيه بداخله وافكاره فى رأسه ولكن شتان بين ماحدث لكل من الشابين بجوارى

تعالوا نشوف ايه اللى حصل ( بس بعيد عن اللغه العربيه الفصحى )

الشاب الأول :-

الموبايل بتاعه بيرن وهوا بيكنسل يرن تانى وتالت وفى الاخر رد على الطرف الاخر وهوا عاصر على نفسه تلاته او اربعه كيلو ليمون وبيقول آلو بهمس شديد وطبعا انا لا أريد استراق السمع ولكن الجو هادى جدا والصوت واضح جدا جدا جدا .

المهم لقيته بيقول ايوة ياحبيبتى

الله ,,, طيب لما هيا حبيبتك انت قرفان ليه

مكسوف مش عاوز ترد قدامنا عندك حل من اتنين يا اما ترد باقتضاب انك مش عارف ترد لانك فى المواصلات وده لانك انسان جنتلمان وبتحبها وتوعدها انك تتصل بيها تانى وتوفى بوعدك ,,, يا اما تنزل تتكلم وبعدين تركب تانى ( ماهى العربيه واقفه بتحمل ركاب لسه )لكن ترد وانت قرفان طيب ليه؟؟؟

دار السؤال ده فى دماغى وقزفها بقنبله

المهم قعد يتكلم على كده حوالى نص ساعه

الشاب التانى :-

لاحول الله يارب ,,, هوا التانى بقاله نص ساعه بيتصل ومحدش بيرد وكل مره ينفخ ويزهق ويطلع من فمه لسان لهب ولا كأنه ديناصور وهوا كله على بعضه شاب صغير الجسم بتاع اتنين كيلو وربع

طبعا بيتصل بمين بالليل كده ومضايق ,,, مممم ,,, اكيد بعم عبده البواب يفتحله الباب لانه جاى من السفر

طبعا فين وفين لحد ما الطرف التانى رد وده من حسن حظه ..... وحظى انا كمان !!!!!!!!!!!1

انتى فييييييين؟؟؟ ليه مش بتردى ؟؟؟ نايمه ونسيانى ولاكأنك تعرفينى ؟؟؟ مش تتصلى بيا تشوفينى فين ؟؟؟ وكلام من ده ( ده هوا اللى بيقول )

حسيت بعدها ان رد فعل الطرف الاخر هوا ( كتلة ثلج ) من أثر بروده الجو اللى احنا كنا فيها وقتها

أنتهى الموقف

وبعدها كل واحد عاد لأفكاره من جديد

أنا بقى قعدت أفكر ومشفق على اتنين وبلعن اتنين ( طبعا انتوا عارفينهم )

طيب سؤالى واللى ملقيتلهوش اجابه

فيها ايه لو كل واحد بيحب حد يبقى مخلص ليه ويخاف عليه بجد مش لعب عيال ؟؟؟

فيها ايه لو انا مش بحبه أقوله بدل ما أعذبه ؟؟؟

طيب أنا اعترفت بحبى ليه ,,, فيها ايه لما أبقى قد كلمتى واعرف ماعليا وماليا؟؟؟

طيب اللى حصل ده اكيد بيحصل مع ناس كتير ,,, مش بنفس كيفيه الحدث ولكن الفكره واحده والهدف واحد يبقى ايه الحل ؟؟؟؟؟ الحل ايه ؟؟؟ الحل ايه ؟؟؟ الحل ايه ؟؟؟

نطت فى دماغى ساعتها اغنيه محمد منير

" حد عاوز قلب فاضى ,,, قلب طيب ,,, قلب هادى ,,, قلب كله حنان وعطف ,,, يخطفك من الحزن خطف ,,, مستعد يحب حتى قلب عاوز ينسى ماضى "

قلت ليه كده دايما النفس البشريه مش بتقدر قيمه الثروه اللى فى ايديها الا بعد ماتتهى وتروح وتضيع الحياة الحلوة

طيب هل العيب فى اختيارنا ؟؟؟ طيب ماهو الطرفين كانوا فى الاول موافقين وفرحانين بحياتهم ,,, ايه اللى قلبهم ,,, يبقى اكيد لعب عيال ؟؟؟

ليه دايما ماشين بمبدأ " أفكر فى اللى ناسينى ,,, وأنسى اللى فاكرنى "

يعنى هل ينفع اننا نمشى وكاتبين لافته على صدورنا أغنيه قلب فاضى وتحتها نكتب إمضاء ( طائر الليل الحزين ) العمر ( مش فاكر )

حسبى الله ونعم الوكيل فى كل انسان بيلعب بعواطف وفلوب الناس

أنا أسف للاطاله وأرجوا من الجميع التفاعل مع الموضوع لو شايفين له اهميه

وربنا يكرم كل اتنين بيحبوا ويوفقهم ويتملهم على خير بدون عذاب

ونصيحه اخويه لاى حد بيحب بجد وحاسس ان حبيبه بيحبه بجد :- خلى بالك من حبيبك واتمسك بيها ,,, زمانا ده للاسف اصبح ......... وربنا يسامح اللى كان السبب

احترت بجد اسمى الموضوع ايه
دا اسم من دماغى كدا

تقبلونى...MR.MIDO

بجد موضوعك هايل يا ميدو

وفعلا الواحد بيحس بى الى هو نساه ومش بيفكر فى الى حبه

موضوعك فوق الهايل

ولازم كل واحد يحافظ على حبيبه

ويحب الى بيحبه مش يحب الى مش بيحبه

موضوعك فوق الهايل

تسلم اديك

<<بــيرو>>

بيرو نوره التوبيك بجد فرحان انك اول واحده تردى عليا منوره التوبيك والمنتدى كله
والموضوع فعلال مهم ومحل نقاش ليه بنعمل فى بعض كدا وليه نسمح بكدا؟؟؟ سؤال عاوز حد يرد عليه

لان بكل سهوله يا ميدو الكل عايش علشان نفسه وعلشان

سعته وبس وهوه اهم عنده من التانى الحياه هيا الى بقت وحشه

ومهما كان الانسان كان وحش فاكيد اتغير لو دا يهمه الناس الى بيحبوه

ويخافوا عليه
بس دا معتش موجود والانسان المخلص لازم يفضل مخلص لانه احسن من غيره بكتر

وانا بجد عارفه كل معنى انا بقوله لان دا ......... ولا بلاش

ونصيحه المخلص يفضل مخلص لى الى بيحبه وميقلدش حد تانى ويعرف انه هوه الصح

<<<<بيرو>>>>
[/img][/b]

على فكره بقى كلامك دا بجد فيه الخلاصه وانتى بجد جبتى من الاخر يا اجمل بيرو بجد انتى هايله وكلامك من دهب...ميرسى يا قمرايه ومنوره التوبيك ومنوره المنتدى كلهــ

ميرسى

دا من زوقك بس

ميرسى ليكى مره تانيه ومنوره برضه

يا مااااااااااان--جامد انت

» كله يسيب اللى فى ايده واللى فى رجله ويجى يشوف العضو اللى جاى ده
» ما الذى ابكى رسول الله صلى الله عليه وسلم حتى سقط مغشيا عليه؟
» من سحر العيون اللى من يحب
» لو ان البنات هى اللى بتخطب الشباب
» اللى ما بيحبوش المدرسه