اهداء الى كل من يعتقد ان هناك مخلوق على وجة الارض يستحق ان يكون اخ لة ويصفة بهذا الوصف بدون وعى

ياريت نقرا الكلمات دية مع بعض ونتمعن فيها (ملاحظة ليست كلماتى فانا لم اصل بعد الى هذا المستوى فى الكتابة)

وشوش كدابة
لا يا غالي دي وشوش بتضحك في عنيك ملامحها دايما كدابة بيغيروا منك ومش عليك ومن كتر ما خانوا واتخانوا بقت قلوبهم قللابة عايزين يشوفوك بتخون عايش نصيب يشبه نصيبهم ماهو أصل أملهم كل أملهم إنهم يشوفوك عايش فوحدة تشبه وحدتهم لا يا غالي دول مش حبايب دي وشوش بتضحك فعنيك ملامحها دايما كدابة سامحني يا غالي ماانا أصلي سمعت كلامك إنهم أهلك واحبابك وثقتك فيهم خلتني وقت الزعل وياك عليهم جريت وبسرعة رحت وحكيت قال إيه قالولي منك خايفين عليَََََا وإن بعادي عنك رحمة ليَا ولازم أشوفلي ونيس غيرك أمين عليَا لأنك من غير أحاسيس ومسيرك ترميني وتدوس عليَا وحكولي كتير حكايات عنك وعن اللي فات من ييجي سنين كتيرة وكمان قليلة وروني صورتك فيها تعلب كتير الحيلة خاين غدار واللسعة منك زي النار شفت يا غالي؟ اللي سمعت كلامك عنهم وإنت بتوصف فإخلاصهم؟ آل إيه وأنا حبيتهم وأخدت من عينك معزتهم وقلت من غير ما أفكر مادام الغالي بيقول دول أهله لازم ولابد إني أقرر يكونوا أهلي وزي ما الغالي قاللي دول سري ولو فقلبك مني في يوم غماية مش راح تلاقي عند غيرهم الهداية ومشورة لبيتنا وسعادتنا وعليهم علي طول جريت ورحت وحكيت وقلت يمكن خبرتهم والعشرة ليك خلتهم يتمنوا سعادتك وألاقي عندهم مفتاح قلبك اللي يصون بيتنا وسعادتنا … ويا خبتي … ما لقيت يوم عندهم ألا حكاياتهم وغلهم ونصيحة للفراق بينَا شفت يا غالي؟ وإنت اللي عمرك ليهم إديت ومعاهم قضيت؟ سامحني يا غالي حاولت كتير صدقني أداري عنك قلوبهم واللي فيها متداري ألا تحس بلحظة ألم وتلاقي عمرك راح هدر وتعيش حزين ويَا القدر تندب في بختك وتقول ياريت وعشان ماكنش كدابة قلت كمان يابت دول ناس ديابة والغالي قضى سنين معاهم ولا عرفش اللي جواهم هتيجي إنت وتقولي خللي بالك منهم؟ وإوعى لكيدهم؟ وعاوزاه يكدب عينه اللي بيها بيشوفهم؟ سامحني يا غالي حاولت كتير صدقني أداري بس لقيت نفاقهم ليك بيزيد !والغريبة قدامي :آل إيه بيقولوا إنت اللي ليهم في الدنيا والعمر معاك حاجة تانية وإن جمايلك فوق دماغهم !وخيرك ممرمغهم ولا فيش حمرة خجل في عينهم إني فنفس القعدة معاك ومعاهم وأنا اللي حكولي وقالولي كتير عنك ونصحوني كتير وكتير بهجرك وليه ما ينافقوش ومن إيه يخجلوا وهما بقوا وشوش من كتر ما خانوا واتخانوا عرفوا إزاي يهللوا وإزاي يرسموا الضحكة وخطوط علي وشوشهم تقول الصفا فقلوبهم وإزاي بيوتهم تتعمر من جيب وقلب مليون زيك بيشوف بعينك لا يا غالي دول مش حبايب صدقني أنا اللي شوفت وشوشهم في بعدك ومن وراك كانت ملامحهم بتقول إن الكره ليك سيطر علي قلوبهم وإن رصيد إحسانك ليهم يا خسارة. بالحقد والغل بيزيدهم ومهما زاد الرصيد نصيبك عندهم مش راح يزيد إلا وشوش بالزيف تحييك صدقني يا غالي ده كلامي ليك مش غيرة منهم ولا عليك ومن إيه هغير؟ ده أنا حتي من قبل ماعرف رتوشهم واللي وراها كنت بشوفهم أشباح زي البيوت الخربانة وأنا اللي كنت بسأل ليه شكلهم أشباح؟ هه هه صحيح بيوتهم عمرانة إيشي تحف. وإيشي ألوان وإيشي مفروشات. وإيشي ملبوسات والأهم أن وشوشهم بالضحكة مليانه لكن في النهاية شكلهم أشباح ولسانهم دايما فقير لكلمة هات عارف ليه يا غالي؟ أنا عرفت ليه بس دلوقت لأ. مش دلوقت ده من بدري بس كنت بضحك علي نفسي ودلوقت بس آمنت وصدقت وب[ندعوك للتسجيل في المنتدى أو التعريف بنفسك لمعاينة هذه الصورة] بنفسي علي إنهم وشوش بتضحك فعنيك ملامحها دايما كدابة بيغيروا منك ومش عليك ومن كتر ما خانوا واتخانوا بقت قلوبهم قللابة عايزين يشوفوك بتخون عايش نصيب يشبه نصيبهم ماهو أصل أملهم كل أملهم انهم يشوفوك عايش فوحدة بشبه وحدتهم لا يا غالي دول مش حبايب أنا قلت وخلصت ضميري يا غالي ياريت تطاوعني وتغمض بس عنيك وتحس بقلبك أصل العيب في عنيك ومادامت خدعت وخانت يبقى ارميها واخلص من بلاويها وعيش بقلبك أنا أصلي صبورة مع الغاليين بس ياخوفي تخلص طاقتي معاك وساعتها مش هيكون ويَاك غيرهم عارفهم؟ ويكونوا نالوا مرادهم ومش راح تشوف منهم إلا غرورهم وساعتها هتكون ضحكتهم م القلب ماهو أصل هيكونوا نالوا مرادهم وبقيت زيهم عرفتهم؟ وشوش كدابة آخر كلامي يا غالي مش أهلك غير اللي من دمك

اهداء الى كل من يعتقد ان هناك مخلوق على وجة الارض يستحق ان يكون اخ لة ويصفة بهذا الوصف بدون وعى [ندعوك للتسجيل في المنتدى أو التعريف بنفسك لمعاينة هذه الصورة]

ميه ميه يا نيمو
كلام هايل
تسلم يا غالى

[ندعوك للتسجيل في المنتدى أو التعريف بنفسك لمعاينة هذه الصورة]

مش صحيح يا نيمو فى ناس كتيره كويسين
والصاحب الحقيقى هو الاخ

توبيك هايل تسلم

حبيب قلبي توم
أحيانا يكون الصاحب أقرب من الأخ

تسلم الايادى يا نيمو
بجد جميل جدا

بس فيه كده وكده مش كله وحش

°¨¨¤¦ No ReaL friend ¦¤¨¨°
فعلا والله يا نيمو

لا تعليقـ،،،،

توبيك هايل يانيمو
ميرسي على التوبيك

ClaSsiC_bOY كتب:: °¨¨¤¦ No ReaL friend ¦¤¨¨°
فعلا والله يا نيمو

if they are no real friend
so you are not a real friend

but

you are a real friend

so

they are many real friend
and we have to found them

هايل يا نيمو يا جامد

ولازم أشوفلي ونيس غيرك أمين عليَا لأنك من غير أحاسيس ومسيرك ترميني وتدوس عليَا وحكولي كتير حكايات عنك وعن اللي فات من ييجي سنين كتيرة وكمان قليلة وروني صورتك فيها تعلب كتير الحيلة خاين غدار واللسعة منك زي النار شفت يا غالي؟

بجد كلام جميل تسلم ايدك يا مستر

ميرسى على المرور

asly ya nemo

كلامك....من دهب..يا غالى

ميرسى على المرور يا شباب

nice topic

جاااااامد

Thank
you
for the

wonderful theme and wish you more

gaaaaaaaaaaaaaaaaaaamed

[ندعوك للتسجيل في المنتدى أو التعريف بنفسك لمعاينة هذه الصورة]

لو انت اللى كتبه تستحق جايزة نوبل

تماااااااااااااااااااااااام يانيمو

توبك جامد [ندعوك للتسجيل في المنتدى أو التعريف بنفسك لمعاينة هذه الصورة]

» اهداء لحبيبتي بمناسبة عيد الحب ( اهداء الى المنتدى بجميع اعضاءه)
» بدون نظام بدون عنوان !!!!
» ماذا لو علمت أن هناك فتاة تتمناك
» لاجل يوم الارض
» الوصف الكامل لحبيب الله