:: مكتب تحقيقات المفتش كرومبو ::

السـلام عليكم ورحمة الله وبركاته ....

ازيكوا يا احلى اعضـاء لاحلى منتدى ، يارب تكونوا بخير كلكم .

خير ان شـاء الله وانا قاعد بالليل على المنتدى لقيت التلفيون بيرن بشـوف الرقم لقيت نمرة صحبى وحبيبى اللى كلكم تعرفوه طبعا؟؟؟

.: المفتش كرومبو :.

انا اتفجعت لانه مش بيكلمنى غير فى الامور الصعبة جــدا وفعلا كان بيكلمنى وحالته صعبة اوى وبيعيط [ندعوك للتسجيل في المنتدى أو التعريف بنفسك لمعاينة هذه الصورة] فحاولت انى اهديه وسالته ايه اللى حصـل معاه .

قالى انه اتكرش من الشغل بتاعه وقالوله روح اقعد فى بيتكم احنا مش عايزنك تانى انت اصلا ملكش لزمه .

فقلت اعمل معاه واجب واجيبه عندنا فى المنتدى يشتغل وكله بثوابه [ندعوك للتسجيل في المنتدى أو التعريف بنفسك لمعاينة هذه الصورة] والبركه فى الادارة الكريمه لانها هى اللى هتدفع مرتبه طبعا .

ولما عرضت عليه الفكرة طبعا وافق بس قالى انا هعمل ايه فى المنتدى [ندعوك للتسجيل في المنتدى أو التعريف بنفسك لمعاينة هذه الصورة]
انا مليش فى حاجه غير التحقيق قالته بسيطه انا هخليك المحقق بتاع المنتدى
واى مشكله تحصل انت اللى تتولى التحقيق فيها ، فوافق فقلت لازم انظم معاه
مؤتمر صحفى يتقابل فيه مع اعضاء المنتدى ويتعرف عليهم ..

@@@###@@@###@@@###@@@###@@@###@@@

اليكم احـداث المؤتمر :-

طبعا بنرحب بالمفتش كرومبو معانا فى المنتدى ،
وبنعلن انضمامه رسميا الى اسرة منتدنا
ودلوقتى نسيب المفتش كرومبو يتكلم .

واللى عايز يسالو اى سؤال يتفضل :-

احم احم اعرفكم بنفسى
.::. المفتش كرومبو .::.
[ندعوك للتسجيل في المنتدى أو التعريف بنفسك لمعاينة هذه الصورة]
اكبر المفتشين شهرة على وجة الارض ،
واول واحد اكتشف مين اللى سرق الرسيفر بتاع بكاكا لاءة .

واللى عايز يعرف حاجة عنى يسال وانا هجاوبو على طول

@@@###@@@###@@@
قام زكـى سوسته وقال [ندعوك للتسجيل في المنتدى أو التعريف بنفسك لمعاينة هذه الصورة] ؟؟
طب ياعم المفتش انت اية اللى جابك هنا
والمنتدى اصلا مليان حورات وكراسى اعتراف ومش محتاجينك معانا
ولا الادارة بتبعزق فلوس وخلاص

بص لة كرومبو من تحت لتحت وقاله :-
اقعد يا شخص ، انا غير كل الناس دى .

طبعا زكـى سوسته اتخنق وقاله ؟؟
امـال انت هتعمل ايه جديد يا حـدق

بص لة كرومبو تانى من تحت لتحت وقاله :-
احنا فكرتنا جديده خالص واول مـرة تتعمل فى المنتدى ، وهتكون اننا هنحط اسماء 3 اعضـاء طبعا انا اللى هختارهم [ندعوك للتسجيل في المنتدى أو التعريف بنفسك لمعاينة هذه الصورة] والاعضـاء هترشح العضو اللى عايزين يتعمل التحقيق معـاه ، وبعد ما يختاروه يجى دور بقى انى اتولى التحقيق معاه بنفسى .

@@@###@@@###@@@

قام حامد مفيش فكة وقالو :-

طـاب التحقيق هيكون ازاى يا حج كرومبو .

رد كرومبو وقاله:-

[ندعوك للتسجيل في المنتدى أو التعريف بنفسك لمعاينة هذه الصورة]
بعد
ما يتم اختيار العضو انا طبعا هاخذ اميله واحدد معاه ميعاد على حسب وقتى
طبعا لانى عارفنى مشغول جدا واقعد واحقق معاه وبعدين اكتب صياغه الحـوار
بطريقتى انـا .

@@@###@@@###@@@

رفع ايدو شنكليح بتاع المراجيح وسال ؟؟
طاب يا عم كرومبو لو انا عايز اسـال العضو اللى معاه التحقيق سؤال ومش عايزه يعرف انى اللى سالته اعمل ايه ؟

رد علية كرومبو وقاله :-
[ندعوك للتسجيل في المنتدى أو التعريف بنفسك لمعاينة هذه الصورة]

سـؤال مهم طبعا وانا كنت لسه هتكلم فيه
اى واحد من الاعضـاء عايز يسال العضو سؤاله علشان انا اساله فى التحقيق يبعتلى السؤال فى رساله خاصه وانا اساله للعضو .

@@@###@@@###@@@

سالة عوض عقدة بصوتة الاجش؟؟
مده الحلقه قد ايه يا استـــاذ كرومبو

رد علية كرومبو ؟؟
كـل مده هنعمل استفتاء على 3 اعضاء وانتم تختاروا العضو اللى عايزين يتحقق معاه ، واول ما يخلص التحقيق نحط 3 اعضاء جدد وهكذا .

@@@###@@@###@@@

رد شنيح عضل وقاله ؟؟
يعنى انت هتعمل اية بالظبط يعم كرمبو

بصلو كرومبو بقرف كدة وقاله ؟؟
[ندعوك للتسجيل في المنتدى أو التعريف بنفسك لمعاينة هذه الصورة]
احنا هنجيب مشرفين واعضاء واهم الشخصيات هنا فى المنتدى
وهنوجة ليهم الاسئلة فى شكل اتهمات
وهما يردو على الاتهمات دى
وكل مـده ضيف جديد
وهيتعمل للضيف الجديد موضوع مستقل خالص
والموضوع دة هيكون زى فهرس للحلقات
اللى عايز يختار ضيف جديد يكلمنا ونحط اسمه مع 3 اعضاء اللى هنختار منهم
واللى عايز يسال الضيف اللى اعلنا عنة يكلمنا .

@@@###@@@###@@@

قام فتحى فتوح بتاع السطوح وقال ؟؟؟؟
طب يا حضرة المفتس انت هتفتش ولا ......

قاطعة كرومبو وقال :-
[ندعوك للتسجيل في المنتدى أو التعريف بنفسك لمعاينة هذه الصورة]
دلوقتى ميعاد المؤتمر خلص
ابعتولنا انتوا على تليفوناتنا وقولولنا هتحبو نستضيف مين
واحنا هنعلن عن الضيف ان شاء الله
يلا اشوفكم على خير

@@@###@@@###@@@###@@@###@@@###@@@

وخرج المفتش كرومبو من المؤتمر
وسط برطمة وتمتمة من كل اللى كانو حاضرين
واحنا بنسالكم مشاهدينا
تفتكرو لية كانو بيبرطموا

متنسوش تبعتوا الاجابات على تليفوناتنا

اللى مش عارفين ارقامها

ونلقاكم على خير مع اعلان الضيف ان شاء الله

مع تحيات
.: المفتش كرومبو :.

مع اول ثلاثه اعضـاء

1- Lord

2- s7r

3- the shipmaster

شوفوا انتم عايزين مين واختاروا بقى

والله موضوع جميل يا أبو حميد .. وبداية قوية ليك

بس مين هيبقي المفتش كرومبو ..؟

أنا من رأيي إن اللي هيبقي المفتش كرومبو ميقولش هو مين ويعمل عضوية جديدة

بإسم " المفتش كرومبو " ويدخل بالاسم ده مش باسمه يدخل يعمل التحقيق مع العضو

امممممم وبخصوص الاعضاء ... اختار s7r لسه مشرفة جديدة مبرووووك عليها

ومبروووووك عليك انت كمان يا ابو حميد الاشراف

تحياتي لك ..

فكرة جامدة يااحمد
هنبدا امته بقي

تسلم يا ريس
وزى ما قالك احمد
لازم نعمل عضوية جديدة اسمها المفتش كرومبو
بالنسبة للعضو الى هختار
هتبقا
s7r

اولا

بحيك تحيه كبيره اوووي اوووي

علي التوبيك الهايل ده وبجد تسلم ايدك

ثانيا

انا هابعتلك اميل الخاص في رساله

نتكلم شوية مع بعض

وباحترامي ليك

في حبة افكار تفيدك

بجانبك دماغك العاليه ده

في اختبار الموضوع ده

اما ثالنا

يارب

يارب

يارب

s7r هيه اللي يتحقق معاها

اصل انا وسطتها في المنتدي ده

لالالالالالالالالالا جامد نا معاك ياريس
موضوع جديد ويجنن تسلم ايدك

فكرة حلوة اوي بجد شغل جامد
وانا برضو برشح سحر Evil or Very Mad

سحر
سحر
سحر

Very Happy

ومالوووووووووووووووو
سحر
ههههههههههههههههههههه
اوعى وشك الجامد جاى
Very Happy

انــا بصراحه مش عــارف اقولكم ايه على الكلام الجميل ده

ومن الواضح كده يا سحر ان الاختيار وقع عليكى

يبقى سحر هى اللى مطلوبه للتحقيق

فى انتظـار حضور مفتشنا
كورمبو بـاشأ

اى دة كل دة يا جماعة
دا انا وقع عليا لاختيار بالاجماع
ههههههههه
للدرجة دى بتعزونى مش كنت اعرف

انا موافقة وجاهزة لاى اتهامات يا سيادة المفتش كرومبو ويارب يعجبك الشغل معانا
وما اكونش متهمة دمها تقيل عليكو
هههههههههههههه

انا جاهزة

دمها تقيل
ازاى بقى
فى قمر يقول الكلام ده

سيبك انتى
مستنين المفتش
هو فين
مجاش ليه
انت يا عم المفتش
انت سامعنى
يلا تعالا
مستنينك
وسحر كمان
مستنيه

اهـو جه يا ولاد ،، اهـو جه يا ولاد ..

المفتش كورمبو واصل يا ولاد

كله يستخبى بسرعه وبالاخص انتى يا سحر

وصلتيك رسالتى فيه ميعاد علشان التحقيق

اوى تتاخرى احسن ابعتلك المخبر الخاص بى سحس بومب يقبض عليكى

هههههه
منور يا عمو المفتش يا سحر اسمعى الكلام

انا خايف عليكى اصل سحس دا غلس اوى
ههههههه

مستنينك

اى السسبنس دة كله انا هابدا اخاف بجد ولا ايه

هههههههه
يا كرومبى انا رديت على الرسالة الى بعتهالى
ياريت ترد ونتوصل لحل للاتصال

يارربنا معاكى يا بنتى

ازيكم يا ولادى ، عاميلن ايه كلكم ،

وازيك انتى بالخصوص يا سحر
بقولك ايه انا لقيت حل للمشكله اللى انتى قولتى عليها اللى بخصوص ان مش هينفع ان البنات تقول على اميلاتها علشان كده انا عملت اميل باسم كورومبو وهقول للعضو اللى عليه الدور فى التحقيق على الباسورد بتاعه اللى طعبا هيتغير بعد كل عضو ، وبكده اقدر اعمل التحقيق من على الاميل من غير ما يتعرف اميل البنات .

ابعتلى بقى رساله قولى انتى بتكونى موجوده امتى علشان اقولك على الباسورد ونعمل التحقيق

وياريت كمان تفعلى الرسائل الخاصه علشان ابعتلك الباسورد بتاع الاميل فى رساله خاصه

مساء الخير
يا سيادة المتش كرومبو

انا ممكن اكون اتعبكو شوية

بس انا هاقول اقتراحى والى تشوفوه صح قولولى عليه
انا كنت باقترح مجرد اقتراح ان احنا نعلن باس ورد عضوية المفتش كرومبو داخل المنتدى
واى واى حد عاوز يسال اى سؤال يدخل بعضوية مفتش كرومبو ويسال
وكل دة عالمنتدى
بدل حكايات الميلات وكدة

بس انا عاوزة اقولك حاجة يا كرومبى بيقولو

بيقولو انى غلباوية وصعبة ومش بيعرفو ياخدومنى حق ولا باطل

s7r كتب:: مساء الخير
يا سيادة المتش كرومبو

انا ممكن اكون غلباوية شوية

بس انا هاقول اقتراحى والى تشوفوه صح قولولى عليه
انا كنت باقترح مجرد اقتراح ان احنا نعلن باس ورد عضوية المفتش كرومبو داخل المنتدى
واى واى حد عاوز يسال اى سؤال يدخل بعضوية مفتش كرومبو ويسال
وكل دة عالمنتدى
بدل حكايات الميلات وكدة

بس انا عاوزة اقولك حاجة يا كرومبى بيقولو
بيقولو يعنى انى غلباوية وصعبة وحدش يعرف ياخد منى حق ولا باطل
بس هانوف

فعلا باين عليكى زى ما هما بيقولوا انك غلباويه ، بس على مين ده انا المفتش كورمبو اول من عرف مين اللى سرق التوك توك ، يعنى هتروحى فى فين .

والمهم بقى لانى مش بحب اتكلم عن نفسى كتير وعن انجازات اللى وصلت لقمة العالميه . Like a Star @ heaven

بخصوص الاقتراح اللى انتى قولتيه مينفعش طبعا اقولك ليه

لان لو احنا عملنا كده هيبقى الموضوع زى كرسى الاعتراف مش هيفرق عنه حاجه

وكمان اصلا فكرة الاميل هى انى هتكلم مع العضو اللى هيكون معاه التحقيق وفى وسط الكلام ده انا هسال الاسئله من غير ما ياخد باله وهجمع الحوار فى شكل اسئله عرفتى بقى

وبعدين لو انتى مش موافقه او مش مقتنعه ممكن ترشيحى واحد من الاتنين اللى كانوا معاكى

وانتى عارفنى طبعا ديمقراطى يعنى متخفيش لو رافضى التحقيق كلها تتسجنى 25 سنه وتطلعى على طول ده السنه بتعدى زى الهواء جـوه السجن .

ومستنين رايك حضرتك

لا انا مش من النوع الى بيهرب من ساحة المعركة

ههههههههههه
سحر وقعت فى شر اعمالها
اخ استلمى بقا

انا متابع الموضوع من البدايه
وهو بجد موضوع جامد
وتسلم يا احمد صالح عالافكار الجميله دى

ومنور يا كرومبو
انت شكلك داخل سخن اهو
ربنا يستر ع اللى هتحقق معاهم

الــف شكــر ليكم يا احلى اعضــاء على الكلام الجميل ده

بس مش عارفين التحقيق اتاخر ليه

ياريت يا عم كورمبو تخلص التحقيق بسرعه

والله انا جاهزة بس سيادة المفتش كروبو شاكله بيماطل

بس ياريت يكون تحقيق يستاهل كل دة

» حصريا حلقات المفتش كرومبو :: مين اللى سرق الشنطة :: على اكثر من سيرفر
» تمتع بسطح مكتب ثلاثى الابعاد
» «المصرى اليوم» تنشر خريطة كليات «التعليم المفتوح» بعد ضمه لـ«مكتب التنسيق»
» حصري بمعنى الكلمة .. أغنية يوميات المفتش كرمبو .. لأحمد وجدي .. فقط على شباب كوول وعلى سيرفرات صاروخية
» تحقيقات «قتيل الإسكندرية» تكشف تضارباً فى تاريخ الواقعة: الشهود يؤكدون حدوثها فى ٦ يونيو.. والشرطة تثبتها فى ٧ يونيو