قصيدة عن النفط (عراقي) .......

السلام عليكم ورحمة الله وبركاته

اليوم جبتلكم هذه القصيدة التحشيشية

وهي من واقعنا اليومي طبعاً


ماخذ البرميل الازرك

سمعت جاي النفط

وروحي من الفرحة طارت

بعد هيهات وتحط

غبشة أمشي وكلي واهس

حيوي وجداً نشط

وحلمت بالنفط أوكع

وأنخبط وياه خبط !

وحلمت علتنكر أوكف

خمس ساعات أنربط !

عدلت شعري وكذلتي

وشايل بجيبي المشط

وكلت كون أوصل هناك

الساعة بالسبعة ضبط

ومن وصلت هناك

ردت أنجن وعقلي ينشخط !

اليشوف السره يجفل

وأقوه هبطة ينهبط

الزلم كلمن جكارة

بغضب يشهكهه وسخط

والنساوين التصرخ :

يله جا وين النفط ؟!

الناس من حركتهه عركت

والبرد يسمط سمط !

هناك لن كبت العيطة

وصفت بس (( شك شك )) (( ططط )) !!

جنهه جبهة مو محطة

والطلق كله خرط !

أنبطح أركض ولوف

يله وك لا تنخمط !

رجعت ضايج أصفن

ريحة أحزاني تعط

وأمي لاكتني تصيح :

ها ولك وين النفط ؟

كلت هم زين الشمس

تشتعل من دون النفط !!


طبعاً مو اني المتكلم هههههههههه

أتمنى انها نالت اعجابكم

Thank
you for the
wonderful theme and wish you more