شتائم متبادلة وغضب جامح لحسن شحاتة

فتح الإعلامي عمرو أديب في برنامجه «القاهرة اليوم» الذي يذاع على قناة
«أوربت» النار على لاعبي المنتخب وجهازه الفني من خلال الأخبار التي
تناولتها الصحف الجنوب الإفريقية عن اصطحاب بعض لاعبي المنتخب لفتيات ليل
بغرف الفندق الذي تقيم فيه البعثة، وهو ما أكد عليه أديب في برنامجه أمام
الجميع، معللاً ذلك بحصول قناة الـBBC على صور لهذه الواقعة. وفور
علم لاعبي المنتخب بهذه الاتهامات اللاذعة الموجهة إليهم قاموا بعمل
مداخلة هاتفية مع عمرو أديب لتوضيح حقيقة الاتهامات التي مستهم، إذ قال
محمد زيدان لأديب: «إزاي يا أستاذ عمرو تقول كلام زي ده وإحنا ناس محترمين
ولاعبين متدينين والكل عارف كده إننا أفضل جيل في تاريخ مصر في كل
حاجة؟!». فرد عليه عمرو أديب: «يا محمد يا ريت تهدا شوية»... فرد
زيدان «هدوء إيه إزاي الكلام ده يتقال وهو مش صحيح وبعدين أنت مين أصلاً
علشان تتكلم في الكورة»، جاء ذلك رداً على اتهامه -أي أديب لزيدان- بأنه
تفرغ لالتقاط الصور مع المعجبات... فرد أديب: «مش هتكلم معاك» وانتهت
المداخلة بعدها. واستمر أديب مع الممثل المصري عزت أبو عوف في مهاجمة
اللاعبين والجهاز الفني، حتى تلقى مكالمة هاتفية من أحمد حسن كابتن
المنتخب المصري الذي قال لأديب: «إنت عاوز الجمهور المصري ينقلب ضدنا
وتلعب بأعصابهم»، فرد عليه أديب: «أنت وزمايلك اللي لعبتوا بينا
وبأعصابنا». فرد عليه حسن: «ازاي يعني، هو خسارة المباراة هي
نهاية العالم ويحصل تشويه سيئ لينا بالطريقة دي رغم التزام اللاعبين
الواضح وتدينهم، الذي لا يختلف عليه أحد، مش زي ما انت بتقول وعيب الكلام
ده يطلع منك انت لأنه مش صحيح بالمرة وكفاية ارحمونا شوية بقى ومعاك أبو
تريكة ما هو يمكن كان معاه فتاة ليل لأنه أحد اللاعبين الذين تم
سرقتهم»... فرد أديب «لأ مستحيل أقدر أرد على أبوتريكة لا ده مثل يحتذي به
في كل شيء»... فجاءت مداخلة أبو تريكة الذي قال فيها: «إيه لما المنتخب
المصري يخسر مباراة وبعدين عايزين تنتقدوا الفريق لازم يكون الانتقاد في
الأداء وليس بتوجيه اتهامات باطلة وتشويه صورة اللاعبين واتهامهم في
شرفهم، مع العلم إنه فيه كتير منهم متزوجين وبيخافوا ربنا وعيب جداً يا
أستاذ عمرو الكلام في أعراض اللاعبين الذين يخافون الله في كل أفعالهم».
وقام حسن شحاتة بالحصول على التليفون من أبوتريكة، قائلاً لعمرو أديب: «هو
انتوا ليه عايزين تشوهوا صورتنا بأي وضع طب ده أنا أي لاعب عندي أشرف منكم
ألف مرة، وبعدين إزاي تجيب فنانين يقعدوا يستهزأوا بينا في برنامجك ده
وانت عارف مين بيعمل كده أصلاً»، ناهياً مكالمته بالقول: «احنا زهقنا منكم
ومش عايزين نلعب كورة تاني، الله يخرب بيوتكم». وفي أول رد فعل سريع عقب
هذه التصريحات التي أدلى بها أديب في برنامجه هدد عدد من لاعبي المنتخب
بالاعتزال الدولي وعدم التدريب مرة أخرى، مطالبين بضرورة تقديم عمرو أديب
اعتذارا رسميا، وإلا فسيقدمون بلاغا إلى النائب العام ضد أديب وقناة أوربت
إذا امتنع عن تقديم اعتذار رسمي على الهواء وأمام مرأى ومسمع من الجميع
لتوضيح الحقيقة كاملة على غرار الادعاءات والاتهامات التي قام بتوجيهها في
برنامج

thanx &nice tobic