[ندعوك للتسجيل في المنتدى أو التعريف بنفسك لمعاينة هذه الصورة] أكلات شم النسيم
الملانا
[ندعوك للتسجيل في المنتدى أو التعريف بنفسك لمعاينة هذه الصورة]من ضمن الحاجات اللي ممكن نجيبها لشم النسيم الملانا بس ناخد بالنا لأنها بتكون مليانة براغيت علشان كده يا ريت ننفضها كويس قبل ما ندخلها البيت لأن أنا حصل لي مأساة السنة اللي فاتت ودخلتها البيت من غير ما أنفضها وكانت النتيجة إني قعدت شهر مش عارف أنام..!!
البيض الملون
[ندعوك للتسجيل في المنتدى أو التعريف بنفسك لمعاينة هذه الصورة]وبالنسبة لتلوين البيض لأنه بيدي بهجة للأطفال يا ريت يكون تلوينه بالألوان الطبيعية فلو عايزين اللون الأخضر الفاتح ده ممكن نحصل عليه من البقدونس، والبيج من قشر البصل، والأحمر من البنجر أو قشر الرمان، والبرتقالي الفاتح من الجزر، والبنفسجي الفاتح من قشر الباذنجان...
فطيرة شم النسيم
[ندعوك للتسجيل في المنتدى أو التعريف بنفسك لمعاينة هذه الصورة]دلوقتي هقول لكم على طريقة عمل فطيرة شم النسيم في البيت..
المقادير:
كيلو دقيق.
ربع كيلو زبدة.
ربع زجاجة زيت ذرة.
8 بيضات.
1/2 ملعقة صغيرة ملح.
خميرة (في حجم عين الجمل).
بيض مسلوق.
الطريقة:
ينخل الدقيق مع الملح.. تدعك الخميرة بيرة مع السكر السنترفيش حتى تسيل ويضاف إليها الماء الدافئ، وتغطى، وتترك في مكان دافئ حتى تخمر.. يوضع نصف مقدار الدقيق في إناء العجين، ويضاف إليه الخميرة والبيض المخفوق قليلا، والزبدة السايحة ويقلب المقدار بالملعقة الخشبية من 4 إلى 5 دقائق حتى تتكون عجينة ملساء ناعمة.. يضاف باقي الدقيق ويعجن المقدار باللبن مع العجن باليد حتى تتكون عجينة ناعمة تترك جوانب العجينة.
يتم تغطية ترابيزة المطبخ بالدقيق، وتوضع فوقها العجينة وتلف باليدين جيدا حتى تصير العجينة ملساء لا تلتصق.. تكور العجينة وتوضع في إناء العجن بعد دهنه بالزبدة السايحة، وتغطى وتترك في مكان دافئ، وتترك حتى يتضاعف حجمها، وتخمر جيدا من 30 إلى 45دقيقة.
التشكيل:
يمكن تشكيل العجينة على أشكال مختلفة ووضع البيض الملون في الوسط بعد السلق، وتدخل الفرن، وبعد ما تخرج من الفرن وتبرد نرشها بالسكر البودرة.
الرنجة بالطحينة
[ندعوك للتسجيل في المنتدى أو التعريف بنفسك لمعاينة هذه الصورة]المقادير:
سمكة رنجة مدخنة.
نصف كوب طحينة.
2 ثمرة طماطم مقطعة قطع صغيرة.
3 بصلات خضر مقطعة حلقات ولو مفيش نستبدلهم ببصلة كبيرة مقطعة حلقات صغيرة.
عصير 3 ليمونات.
فلفل أسود وشوية شطة حمراء.
الطريقة:
نشوي الرنجة على النار مباشرة بدون إناء إلى أن يتشقق الجلد تماماً نخليها من الأشواك ونقطعها قطع صغيرة.
نخلط باقي المقادير مع بعض وبعد كده نضيف ليهم الرنجة وبألف هنا وشفا
السردين
[ندعوك للتسجيل في المنتدى أو التعريف بنفسك لمعاينة هذه الصورة]أحسن طريقة لعمل السردين هو إنك تنضفيه كويس من القشرة وتنضفيه كويس من جوه وبعد كده تقسميه قسمين وترشي عليه زيت وليمون.
وأنا بفضل أننا نجهز السردين قبل يوم شم النسيم بيوم علشان يتنقع في الزيت والليمون كويس وبالتالي تقل نسبة الملوحة فيه
كوكتيل شم النسيم
[ندعوك للتسجيل في المنتدى أو التعريف بنفسك لمعاينة هذه الصورة]طبعا دلوقتي فيه فاكهة كتير موجودة في السوق علشان كده ممكن نعمل الكوكتيل ده..
المقادير:
موز
كيوي
فراولة
ملعقة كبيرة قشطة
1/2 كوب لبن حليب محلي
نصف كوب آيس كريم فانيليا
الطريقة:
قشري الموز والكيوي وقطعيهم وضيفيهم إلى الآيس كريم واللبن الحليب والقشطة والفراولة واضربيهم في الخلاط وبعد كده صبيهم في كاسات وحطيهم في التلاجة لمدة ساعة وبعد كده قدميهم وبألف هنا وشفا.
لو عايزين يوم مختلف
[ندعوك للتسجيل في المنتدى أو التعريف بنفسك لمعاينة هذه الصورة]ولو عايزين اليوم يكون مختلف ممكن نخلي مفرش السفرة لونه أخضر ونجيب قماش أصفر ونقصقصه على شكل كتاكيت ونلزقه على المفرش بمسدس الشمع وكمان في اليوم ده يا ريت نحط في كل فازات البيت ورد طبيعي..
ولو واحد رايح لخطيبته يوم شم النسيم ممكن ياخد لها هدية عبارة عن أرنب أبيض ويحطه في سبت سلك أبيض في أصفر.
وكل سنة وأنتم طيبين
[ندعوك للتسجيل في المنتدى أو التعريف بنفسك لمعاينة هذه الصورة] 
مشاركاتي
العمر
محل الاقامة
نقاط
