البنات والحب

البنات والحب
حبك عادى ولا مصالح

الحكايه ديه لسة مستمرة ولسة فيها تفاصيل كتيرة ياريت نقدر نوفيها حقها
تبدأ الحكاية من عند كلمة(عايزة احب زى كل البنات)وتخلص عند كلمة تانية قريبة(هوا ده الحب اللى بيقولوا عليه)

وكل بنت فى الدنيا وليها طريقتها فى الحب(ساعات تلاقيها دايبة وغرقانة) وساعات تلاقيها(ولا فى دماغها الحكاية)كلها مصلحة او تضييع وقت

ودلوقتى هاعرض معاكوا انواع البنات فى الحب واللى تلاقى نفسها فى الحب من الانواع اللى انا هاعرضها يا ريت تقول وبكل صراحة

يلا بينا بقى نبدأ الموضوع

[ندعوك للتسجيل في المنتدى أو التعريف بنفسك لمعاينة هذه الصورة] النوع الاول

هو حب المصالح وده طبعا معروف يعنى باختصار الحب اللى اخره(بى أم)ومرسيدس وشوية الماظات وحاجات كده من بتاعة (على بابا)والمغارة الى مليانة دهب وياقوت.

[ندعوك للتسجيل في المنتدى أو التعريف بنفسك لمعاينة هذه الصورة] النوع الثانى

هو حب الصداقة.. والمعروف فى اوساط الجامعة يعنى يفضلوا اصحاب وكلوا تمام ولما يجيي يقولها بحبك تقوله(خلينا اصحاب احسن)

[ندعوك للتسجيل في المنتدى أو التعريف بنفسك لمعاينة هذه الصورة] النوع الثالث

هو حب الفضا.. والمعروف بتضييع الوقت والمثل المشهور فيه (لا بحبك ولا بقدر على بعدك) يعنى مش عارفة بتحبه ولا مش بتحبه؟؟ الحكاية كلها بتبقى مرتاحة وهى معاه وبتضحك وتخرج وتتفسح انما ساعة الجد بتخلع

[ندعوك للتسجيل في المنتدى أو التعريف بنفسك لمعاينة هذه الصورة] النوع الرابع

هو حب المظاهر.. وده اللى بتلاقيه فى حياة بنت عايزة تحب وخلاص؛ اسمها بتحب والسلام؛ خارجة ورايحة وجاية ومفيش مانع من شوية هدايا وتليفونات بالليل انما فى الاخر مش مقررة هيا عايزة ايه بالظبط

_ عندنا كمان نوع منتشر جدا من الحب والمعروف بحب(التوريطة) يعنى من الاخر لقت نفسها متورطة فى علاقة اتطورت بعد شوية ووصلت لدرجة الحب ومش عارفة تخلع المرة دى

_ كمان فى حب احتياطى او بلغة انابيب البوتاجاز حب (استبن) يعنى ما حدش يضمن الدنيا هيحصل فيها ايه لازم يكون فيه واحد مستعد يتقدم وقت اللزوم ويحل المشاكل اللى ممكن تحصل لو اللى بتحبه خلع (ويفضل صاحبنا مستنى وهو وحظه)

_ وفيه برضو نوع موجود والناس بتعرفه بأسم (حب قلابى) وده اللى ممكن يحصل بسهولة فى اوقات الزهق والملل من الحياة يعنى (علاقة عابرة مرتبطة بحالة معينة تخلص الحالة يخلص الحب)

_ كمان فيه حب نص العمر وده يبقى (حب حقيقى) كله حنان وعشق واخلاص بس نهايته مش سعيدة تخلص بسبب الظروف الصعبة ويفضل فى القلب طول العمر

ودلوقتى نوصل لاخر نوع من انواع الحب

_ وهو حب (العمر كله) وده طبعا اهم حب فى الدنيا الحب اللى بيفضل ويدوم ويكبر ويستمر لحد اخر نفس فى الحياة .... بنات كتير نفسها فى الحب ده طبعا وممكن تكون كل الانواع اللى فاتت محاولة للوصول للنوع ده من الحب

بس فى ناس كتير اوى بتعيش وتموت من غير ما تلقى الحب ده

الى اللقاء... ويارب يعجبكم

موضوع اكتييييييير حلو
على فكرة يا برنسيسة النوع الاخير صعب انو يلتقى ...

وفعلا متل ما قولتي في ناس بتعيش حياتها كله وهيا بتدور عليه وبالآخر ما بتلاقيه للأسف
وفي ناس من اول ما بتتولد بتلاقيه وكأنه القدر هيك بدو او هيك بريد
وشكرا اكتيرمع تحيات
badboy

موضوع جميل جدا تسلم ايدك يا برنسيسه

موضوع جميل جدااااا

بس نادر تلقى حب (العمر كله )

ملاك الرومانسيه .....ميزو

تسلم ايدك يابرنسيسة
رأي حلو skylines (ابن بلدي) هههههههه
أخيرا لقيت حد بالمنتدى سوري نورت المنتدى

تسلم ايدك ياقلبى
بجد مواضيعك جميله يادودو

موضوع: رد: البنات والحب الخميس مارس 05, 2009 3:23 pm

[ندعوك للتسجيل في المنتدى أو التعريف بنفسك لمعاينة هذه الصورة]

» البنات والحب ( حب عادى ولا مصالح )
» الانفجار النووى بين البنات والاولاد(ظاهره معاكسه البنات فى الشوارع الجزء الاول)
» الانفجار النووى بين البنات والاولاد(ظاهره معاكسه البنات فى الشوارع الجزء الثانى)
» موضوع عاوزه اعرف رد البنات والولاد فيه وخصووووصا البنات
» المرآه والحب