يا مبارك يا مدلعها ووكلها ومولعها

بسم الله الرحمن الرحيم

زى ما بيقولوا

الجواب بيبان من عنوانه

و طبيعى انا كاتب الكلام محبه و إعجابا بشخصيه قائدنا العظيم

محمد سحس مبارك

و بدون مقدمات كتير و رغى على الفاضى

نقول يا هادى

و عذرا ً لمن يجد بعض كلمات القصيده قاسيه
فهذه هى السياسه

************************************************** ************************

هو واحد مننا
بس ماصص دمنا
طول اليوم عمال يفكر
إزاى يكفر أمنا

هى لعبه ولا زيطه
ولا تكونش زمبليطه
فوق ياعم .. فوق و صحصح
ناقص خلاص ننام عالحيطه

فين مهامك فين حقوقنا
إمتى تسمع ياللى فوقنا
بكفايه بقى شعارات و زيطه
إركب الحنطور و سوقنا

إنت و عصابتك و الحراميه
ما القعده برحه و ميه الميه
عندك أراضى و خضره و رمله
و نهر شارخ فيك الميه

بالزمه مش تنفع تكيه ... ياللى وارثنا بالأقدميه

و الشعب واقف بيقول توت
و إنت بتضرب بالشلوط
فيه اللى مات و فيه اللى بيموت
و فيه اللى راقع بأعلى صوت

و إنت راكبنا .. حالق منفض
و أهو عيد ميلادك جه يا كتكوت

توت توت .. إنشاله تموت
تيجى داهيه تشيلك .. عالنار مظبوط

سنه حلوه يا ريس .. توت توت
يا سارقنا كويس .. توت توت
يا ناهبها و عايش .. توت توت
و الشعب مهيس .. توت توت
يا بلادى يا حلوه .. توت توت
بقى شعبك عايش عالكبوت

ماأهو من كام يوم
قالوا فيه إضراب
يعنى لا نتظاهر ولا نضرب نار
هنام فى بيوتنا .. كفيانا مرار

فيه مواطن إتجابن
و فى سره أنا مالى
عايز أقبض قرشى
أجيب قوت لعيالى

و خرج من بيته .. زى الصرصار
لقى كل زمايله .. فى الشغل كتار

قال برضه فى سره .. روح موت يا حمار

ماهو كله يا واطى
زيك صرصار
عايزين الجزمه
أو ضرب النار

لو كله إسترجل
نام يومها فى بيته
هتشوف حراميه
من الخوف بيموتوا

عرفوا إنك قادر
ترفض و تقرر
كان واحده بواحده
هتطلب تتأمر

بس اللى واكلها .. قاعد مطمن
عارف إن كلابه .. إتربت مظبوط

و علشان القله
اللى قالوا يلا
نضرب يوم تانى
فى عيد ميلاد أبو زعبوط

راح صاحبك صاحى
قايم من نومه
قاعد بيفكر
فى مفاجأه ليومه

شعبى المسكين
غرقان فى همومه
ولا عارف يضمن
حتى قوت يومه

و ولاد الهرمه عايزين إضراب ؟؟!!

صحصح يا نظيف
حضر مسمار
شعبى إبن الهرمه
عايزنلى النار

فى قرار من بكره
برفع الأسعار
و الدعم تشيله
و تجيبلى حمار
يتجرأ يرفع صوته يا جزار

راح يبقى ضحيه .. نركبه مشوار

-------------------------

يا مبارك يا مدلعها
يا واكلها و مولعها
إديها كمان يا معلم
ما هى بلدك و إنت بتاعها

إديها كمان إديها
ماهو شعبك واخد فيها
لا هتسمع منا إرحمنا
ولا يوم براحه عليها

إتمتع .. عيش بفلوسنا
و إن جالك قلب تدوسنا
إفتكر إنك يا معلم
ليك طربه هتسكن فيها
من تأليف (محمد جمعه الجزار)

تمت بحمد لله

روعه

مش جده

تمااااااااااااام تسلم ايدك

تسلم ايديك يا قمر

ههههههههههههههههه
حاسبي وخافي علي نفسك لتتخدي بقي
انا حذرتك وقد اعذر من انذر

جميل جدا ورائع .................. مفيش احلى من كده
عاشق الرومانسيه

» احصائيات في عهد مبارك, لا حول ولا قوه الا باللة
» فضل صلاه التراويح ..... رمضان مبارك
» :::: الملخص لحصاد حكم مبارك لمصر ::::
» عيد فطر مبارك سعيد لأحلى الأعضاء
» وفاة حفيد الرئيس محمد حسني مبارك .. تقرير شامل