dr.abdallah
-{ عضــو فضــي }-
الجنس : 
 مشاركاتي : 321
 العمر : 31
 محل الاقامة : فى قلب حبيبتى
 نقاط : 444
 | موضوع: :::::::::يوميات طالب مارووش الحلقة الاولى::::::::::  الأحد مايو 03, 2009 7:30 pm | |
| بســـــــــــ الله الرحمن الرحيم ــــــم
احب اقدم اول مشاركة ليا وهى حاجة من تأليفى هى عبارة عن مسلسل اسمه :::يوميات طالب مارووش ::::::::
طبعا الجواب باين من عنوانه بس يارب تعجبكم الحلقة الاولى ولو عجبتكم ان شاء الله اتابعها معاكم
ويارب اشوف ردودكم
يوميات طالب مارووش الحلقة الاولى
الحلقة الاولى من يوميات طالب فى الثانوية الازهرية
وهو فى اخر سنة وله اصحابه الانتيم
عصام / معتز / عمرو /عماد
يوم جديد فى منزل محمد وولدته بتصحى من النوم والجو برد اوى
الام: محمد يا محمد اصحى عشان تروح المدرسة
محمد: خخخخخخخخ
الام:يا محمد اصحى خلص
محمد وهو بيتاوب
محمد:اصحى ايه يا امى هو انا هنزل ابيع لبن
الام : لا يا فالح هتنزل تشوف مستقبلك ومدرستك
محمد :طيب استنى شوية انا ملحقتش انام
الام:الساعة بقيت 7 ونصف
محمد بيقوم ناطط من السرير
محمد: الله يسامحك يا امى مش قولتلك تصحينى بدرى
هما دلوقتى ممكن يقفلو الباب فى وشى
الام :انت هتستعبط يلا خلص عشان تلحق تغسل وشك
محمد بيقوم عشان يغسل وشه والعماص ما شاء الله فى عينه
محمد: لالالالالالالالالالالالا
الام : فى ايه
محمد: الميه عملتها وقطعت شوفتى بقى حتى شركة الميه مش عايزانى
اروح المدرسة
الام : والله
انا هصبلك من الكوز وخلاص
محمد : كوز ايه يا امى على الصبح كده
هو اصلا يوم باين من اوله
محمد غسل وشه ورايح يلبس هدومه
الام:يلا عشان تلحق تكوى هدومك
محمد : نعم انت مكوتيهاش
الام : لا
محمد : ليه يا امى حرام عليكى هى ناقصة تأخير
الام: هو انا الخدامة الى ابوك جبهالك وبعدين انت لو
كنت قومت من بدرى كنت خلصت حجتك بسرعة
محمد:متزعقيش كده
مش مشكلة اهى مكوه تفوت ولا حد يموت
محمد لبس هدومه وجاهز للنزول
الام: السندوتشات على المكتب
محمد :نعم سندوتشات ايه
انا عايز مصروفى ناشف
الام: مصروف ايه يا ابو مصروف ده المدرسة خطوتين
والاكل اهوه
اصل المدرسة فى الشارع الى ورا البيت
محمد : يا نهارى عليكى مش بتفوتى حاجة امرنا لله هواصلا يوم مش هيعدى على خير
محمد نزل الشارع وهو ماشى قابل واحد صحبه
اسمه رجب
رجب : محمد
محمد:رجب ازيك فينك يا عم انت كمان رايح المدرسة متئخر
رجب :لا عيب عليك انا وش ذالك انا اصلا مش رايح المدرسة خالص
محمد:طيب انت رايح فين انا شايفك لابس الشنطة
رجب : انا انهاردة اجازة
محمد: والله ليه ايه الى حصل عيد الطلبة
رجب : لا يا ابنى انا الى مش هروح وفى البيت محدش يعرف حاجة
محمد: يا ابن الايه يا بختك
رجب : ما تيجى معايا
محمد :اجى معاك فين يا عم هى مش ناقصة مشاكل
رجب:طيب براحتك سلام
محمد:اه براحتى سلام
يا عينى محمد مخنوء انه ساب رجب يمشى لوحده
بس كان لازم يروح المدرسة
محمد وصل للمدرسة فكان فى طلبة كتيرة
محمد : ! ياه انا مكنتش متصور انى هاجى بدرى كده
عصام: محمد
محمد:عصام ازيك
عصام :اتئخرت ليه دا الناظر حالف ليكتب كل المتأخرين غياب
محمد : اعوذ بالله منك ده انت وشك فقرى
عصام : كده شكراا
محمد : شكراا ايه بقى يا عم مش كفاية ندلت مع صاحبى عشان المدرسة
ومروحتش معاه مشواره
قال ايه يا عينى كان هيروح معاه يقضى واجب
عصام : مين ده يا محمد
محمد: رجب راح يرفه عن نفسه واحنا الناظر هو الى هيرفه عن نفسه فينا
عصام:ههههههههه
محمد : انت بتضحك منك لله
عصام : استنى ده واضح ان الناظر بيدخل الطلبة
محمد : والله ليه كده يا خسارة لو كان طول شوية كنت راوحت
المهم دخل محمد وعصام المدرسة والناظر وقفهم صف واحد
الناظر : احنا هنا بندعو للانضباط فى كل شىء
ولازم تتعلمو ازاى تحترمو مواعيد دخول المدرسة
انتم مش داخلين زريبة
محمد : هو هيفضل يخطب كده انا رجلى وجعتنى من الوقفة
عصان : اسكت احسن يسمعك
الناظر بصوت عالى : محمد
محمد برعشة : افندم
انتهت الحلقة يارب تكون عجبتكم
وان شاء الله لو عجبتكم اتابع فيها
وانا اسف لو طلعت فى اخطاء املائية ولا حاجة
انا بس الفكرة جت فى دماغى مرة واحدة بس ان شاء الله لو عجبتك الحلقة اظبط الحلقات القادمة
ويارب اشوف الردود
>مع تحيــــــــــــــــــاتى
[size=24] dr.abdallah[/size]
| |
|
Shiko Nesta
♫ King of Exclusives ♫
الجنس :
مشاركاتي : 5307
العمر : 33
محل الاقامة : المنصورة
نقاط : 5504
| | موضوع: رد: :::::::::يوميات طالب مارووش الحلقة الاولى:::::::::: الإثنين مايو 04, 2009 9:22 pm | |
| جامد ياواد انتي اجمد عضو هنا
قصصك هايلة | |
|
dr.abdallah
-{ عضــو فضــي }-
الجنس :
مشاركاتي : 321
العمر : 31
محل الاقامة : فى قلب حبيبتى
نقاط : 444
| | موضوع: رد: :::::::::يوميات طالب مارووش الحلقة الاولى:::::::::: الإثنين مايو 04, 2009 10:34 pm | |
| | |
|
mido ashraf
-{ عضــو شغـآآل }-
الجنس :
مشاركاتي : 250
العمر : 33
محل الاقامة : المنصوره الدور الارضى
نقاط : 258
| | موضوع: رد: :::::::::يوميات طالب مارووش الحلقة الاولى:::::::::: الثلاثاء مايو 05, 2009 6:29 pm | |
| جامد يا معلم بجد تسلم ايديك | |
|
فتاة القمر
-{ عضو v.i.p }-
الجنس : 
مشاركاتي : 2077
العمر : 30
محل الاقامة : فى بيتي هيكون فين يعني
نقاط : 6370
| | موضوع: رد: :::::::::يوميات طالب مارووش الحلقة الاولى:::::::::: الأحد سبتمبر 27, 2009 12:43 am | |
| لاء حلوة اوى
ياريت تكلملها عشان انا متشوقة اوى لبقيتها | |
|
