مقارنه بين الشباب والبنات 2008

المقارنة الاولى
* بالنسبه للبنات لو عدى من قدامها ولد وكانت معجبه بيه ولفت انتباها جدا تقوم رميه نص نظره من تحت لتحت .
* اما الولد بقي يلف رقبته 360 درجه زى الصقر وتلاقي نص سكان الشارع اخدوا بالهم منه ومن النظره بتاعته .
المقارنه الثانية
* بالنسبه للبنت لما تلاقي قطه جوه البيت بتقرب منها بهدوء وتمسكها برفق وتأكلها وتروح عند الباب وتسيبها بقي بره البيت بكل أدب .
* اما الولد بقي مش بيصدق نفسه لما يلاقي قطه داخل بيته وفي اللحظه دي يتخيل نفسه زين الدين زيدان ويقوم مسدد ضربه حره تلاقي القط المسكين ياعينى مرمي في الزاوية الشمال من الشباك وهو طائر تسمعه يقو "روح ياشيخ ربنا ينتقم منك" قبل مايسقط في اقرب زباله .
المقارنة الثالثة
لما يكون في صرصار في البيت
* تلاقي البنت بتصرخ كأنها بتأدى السيمفونيه الأخيرة لبتهوفن وبعدين تجمع شجاعتها بقي وتقوم تجيب المبيد الحشري وترش الصرصار وهى بتقول هتموت يعنى هتموت .
* اما اخينا بقي طبعاً مختلف اول مايشوف الصرصار بينتابه جنون بالعظمة ويفتكر انه هتلر ويضحك ضحكه يطلع فيها كل سنانه وضروسه المخيفة ويمسك الصرصار وتبدأ بقي عمليه التعذيب مش كان خلاه بره البيت احسن .
المقارنة الأخيرة
* لما بيكون في خناقه بين البنت وبنت تلاقيك عمال تسمعهم بيهزأو بعض
"انتى حماره"
والتانية "لاؤ انتى اللى ستين حماره"
"إلزمى حدودك انتى اللى 666 حماره"
"والله انتى جريئه جدا انتى اللى 6666 حماره"
لحد مايوصلوا الى 6666666666666666 من الحمير
* اما الشباب بقي يسلام بيبقي صرااع الجبابرة
تلاقي بوكس وشلوت وشتيمة م اللى قلبك يحبها هههههههههه لحد ما يروحوا المستشفي
مش هنتغير لو وصلنا عام 3000 البنات هما البنات والشباب هما الشباب

ههههههههههههههههههههههههههه
تمااااااااااااااااااااااام عندك حق بس اانا بخاف من القطط لو لقيتها فى البيت هطلع اجرى من البيت وبخاف من الصرصار كماااااان
تسلم ايدك بجد هااااايل

مرسي ع مرورك يا قمر

نورتي التوبيك

ههههههههههههههههههههههه
تسلم ايدك ياقمر

هههههههههههههههههههههههههههههههه
تسلم ايد يا قمر على الموضوع