| (¯°•._يوميات عمرو وياسمين , عمرو وياسمين _.•°¯) | |
|
|
|
كاتب الموضوع | رسالة |
---|
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| |
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) السبت أغسطس 21, 2010 9:40 pm | |
| | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) السبت أغسطس 21, 2010 10:02 pm | |
| ان شاء الله بس اما اشوف باقى الردود الاول | |
|
| |
فتاة القمر -{ عضو v.i.p }-
الجنس : مشاركاتي : 2077 العمر : 30 محل الاقامة : فى بيتي هيكون فين يعني نقاط : 6370
| موضوع: رد: (¯°•._يوميات عمرو وياسمين , عمرو وياسمين _.•°¯) الإثنين أغسطس 23, 2010 6:17 am | |
| يلا الي بعده بس انصحك تحطي كله فى موضوع واحد مينفعش كل حلقة فى موضوع | |
|
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) الإثنين أغسطس 23, 2010 1:33 pm | |
| وانا مع فتاة القمر والمفروض كنتى تنزلى حلقه امبارح | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) الإثنين أغسطس 23, 2010 7:14 pm | |
| اوك يا صافى هنزل باقى الحلقات هنا وبالنسبة للحلقات يا توم لازم اعمل تشويق للعضو للحلقة الجديدة
| |
|
| |
LeMo XxXx -{ عضـو جديــد }-
الجنس : مشاركاتي : 32 العمر : 30 محل الاقامة : مصر ام الدنيا نقاط : 104
| موضوع: رد: (¯°•._يوميات عمرو وياسمين , عمرو وياسمين _.•°¯) الثلاثاء أغسطس 24, 2010 11:22 am | |
| اوك مستيينك بس يا ريت بسرعة عشان بصراحة الحلقات حلوة بتابعها هموت واعرف ايه اللي هيحصل | |
|
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) الثلاثاء أغسطس 24, 2010 1:25 pm | |
| مش المفروض يا دلوعه انه يوميات يعنى كل يوم حلقه صح والا ايه | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| |
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) الثلاثاء أغسطس 24, 2010 5:17 pm | |
| ههههههههههه مش معقول تكون قالت لمنى انا عمرو مش فى الثانوى دى تبقى عايزة تموت من الضرب بجد;توقعى انها فعلا هتقول لمنى ميرسى جدا دلوعه فى انتظار الحلقه بتاع بكرة | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| |
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) الخميس أغسطس 26, 2010 5:47 pm | |
| كنا انتهينا فى الجزء الرابع ان عمرو كلم ياسمين وكان فرحان جدااااااا لانه حس انها مستلطفاه وانه طلع ضرب حودة هههههههه صعبان عليا الواد يلا بقى
الحلقه الخامس
روح عمرو وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت روح وبيتمنى ان محدش يصحيه من حلمه الجميل اللى بقاله كتير بيحلم بيه ونام عمرو على صوت الست ياما عيون شغلونى لاكن ولا شغلونى الا عيونك انت دول بس ال خدونى وبحبك امرونى امرونى احب لاقتنى بحب لاقتنى بحب وادوب فى الحب .......... ونام عمرو وطول الليل بيحلم بحبيبته وصحى عمرو من نومه على صوت تغريد العصافير وكأن الدنيا كلها فرحانه علشانه حس عمرو ان ده احلى يوم نام فيه من مدة طويلة اوى وفكر عمرو ياترى يتصل بيها ولا لا فقرر انه يتصل ويصبح عليها ويعمل فيها الواد الرومانسى الجامد اوى اخد الموبايل بتاعه واتصل الووووو قفل السكة عمرو :- اى ده !!!!! ده شكله صوت امها !!! اكيد هى فى المدرسة دلوقتى ؟؟!! ربنا يستر وخرج عمرو راح كليته وفى اخر اليوم اتصل بيها عمرو :- الو
ياسمين :- الو عمرو :- عاملة اى ؟؟ ياسمين :- الحمد لله ,,,,,,,,,, وانت عامل اى ؟ عمرو :- مافيش احسن من كدا حاسس انى اسعد واحد فى الدنيا ياسمين :- ( ضحكة خفيفة ) .. للدرجادى
عمرو :- واكتر من الدرجادى كمان انتى مش متصورة انا بحبك قد ايه ؟؟ ياسمين :- قد ايه :- عمرو :- قد عمرى ولو انه صغير اوى عليك ولو اتمنيت انه يطول فيطول عشانك انت وبس وعشان احبك انت وبس ياسمين :- يسلام انت بتجيب الكلام ده منين عمرو :- ده بس عشان بممووووووت فيك
ياسمين :- طب انا عاوزة اسالك سؤال !! ( من اولها اسئلة )
عمرو :- ايه هو ؟؟ ياسمين :- مش انت قولتلى انك فى كلية عمرو :- اه ياسمين :- يعنى بتشوف بنات كتير واكيد فيهم الاحلى منى و....... عمرو :- بس عرفت انت عاوزة تقولى اى اشمعنا انت يعنى ؟؟
ياسمين :- اااااااااه عمرو :- اولا هما مش احلى منك ولا حاجة انت اجمل واحدة انا شوفتها فى حياتى كلها ولو لفيت الدنيا كلها مش ها الاقى الاجمل منك ....وثانيا الحب مش بأيدينا ولا باختيارنا ( سكوووووت ) عمرو :- طب ممكن انا اسالك سؤال ياسمين :- اتفضل عمرو :- انت حبيبتى قبل كدا ياسمين :- لالالالالالالا ,,,,,,,,,, انا اساسا اول مرة اكلم حد عمرو :- والله يا ياسمين وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى ها احبها ها تبقى احلى واحدة فى العالم كله ياسمين :- ههههههههههه مش اوى كدا يعنى يا بكاش عمرو:- والله العظيم بتكلم بجد عمرو :- بحبك ياسمين :- وانا كمان عمرو :- يا لهوى انا مش قد كدا انا ممكن اموت منك ياسمين :- لا بعد الشر عليك عمرو :- هو انت عيد ميلادك امتى ؟؟
ياسمين :- اشمعنا عمرو :- عادى بسال
ياسمين :- 1/4 عمرو :- لا بجد والله ياسمين :- والله بجد فيها ايه
عمرو :- والله العظيم انت 1/4 ياسمين :- اه انت مستغرب كدا ليه ؟؟ عمرو :- ههههههههه اصل انا كمان مواليد 1/4 ياسمين :- هههههههههه بجد عمرو:- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!! يعنى احنا مخلوقين لبعض من قبل ما نشوف بعض عمرو :- على فكرة انا اتصلت الصبح وتقريبا مامتك هى اللى ردت عليا ياسمين :- واى اللى حصل ؟؟
عمرو :- لا ولا حاجة انا قفلت السكة ياسمين :- وكدا تقفل السكة فى وش ماما هههههه
عمرو :- طب وانا كنت ها اقول اى
ياسمين :- على فكرة ماما طيبة جداااااااا وانا مش بخبى عليها اى حاجة خالص عمرو :- يعنى انت قولتيلها ياسمين :- لا لسة بس اكيد ها اقولها لانى ماينفعش انى اعمل اى حاجة من وراها عمرو :- طب ولو رفضت ياسمين :- ها احاول معاها ,وعلى فكرة كلنا كدا حتى اخويا
عمرو :- اخوكى باسم
ياسمين :- انت تعرفه عمرو :- ااااه يعنى صحاب نص نص ماهو معايا فى الكلية ياسمين:- يالهوى ونكمل فى الحلقة 6 | |
|
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) الخميس أغسطس 26, 2010 9:54 pm | |
| يالهوى اوى على باسم هو لازم يكون اخوها يعنى
المهم بقى ايه اللى هيحصل
تسلمى يا دلوعه بجد | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) الجمعة أغسطس 27, 2010 5:42 pm | |
| الحلقه السادسه
عمرو :- وفيها اى اتخضيتى كدا ليه ؟؟ ياسمين :- طب ولو عرف عمرو :- وهو ها يعرف منين وحتى لو عرف انا ها افهمه وبعدين يعنى هى حلوة ليه ووحشة لينا ...,,,, طب ماهو كمان بيحب وعايش قصة حب ياسمين :- بس هو حاجة وانا حاجة ياسمين :- انت لو عندك اخوات بنات كنت هاترضى انهم يكلموا حد عمرو :- اولا انا عندى اخوت بنات بس لسة صغيرين , ,ولما يكبره يبقى ربنا يسهل ياسمين :- لا ها ترضى ولا لا قول ؟؟!! ( اى السؤال المحرج ده ) عمرو :- بصى يا ياسمين مش كل الناس ذى بعضها انا الحمد لله واثق من نفسى وعارف انى عمرى ما ها اضرك فى حاجة وعمرى ما هاذيكى ( هرب من السؤال بمعلمة ) ياسمين :- (تنهيييييييد) عمرو :- مالك ياسمين :- مافيش عمرو :- طب ممكن بقى اسمع منك كلمة بحبك ياسمين :- دلوقتى عمرو :- اه طبعا امال بكرة ههههههههههههه ياسمين :- لا طبعا انا مش ها اقولهالك غير لما اتاكد مية فى المية انك بتحبنى عمرو :- انت كل ده ولسة ما اتاكديش ياسمين :- يعنى ومش ..... (بوم اتقفلت السكة على ودن عمرو طبعا عمرو فهم ان فيه حد دخل عليها ) اتصل بعديها بشوية عمرو :- الو ياسمين :- الووو عمرو :- اى فيه اى اللى حصل ياسمين :- لا والله النمرة غلط ( وبردك قفلت السكة ) شك عمرو شوية بس يمكن فيه حد جمبها وفقد الامل انه ممكن يكلمها تانى النهاردة وكمل اليوم مع صحابه وحكلهم على اللى حصل وكله تمام ومرت الايام فى سعادة وسكينة لحد ما ياسمين قالت لعمرو انها حكت لمامتها عنه وان مامتها عاوزة تكلمه طبعا عمور استغرب من الموضوع ده وكان كل مرة بيقولها ماشى بعدين طب هو انا اقولها ايه ؟؟ عادى كلمها وانت ها تعرف وكان عمرو قلقان اوى من الموضوع ده بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده اللى كان مصبره ومطمنه وفى يوم كان عمرو بيكلمها وفجأة ياسمين :- على فكرة ماما عارفة انى بكلمك دلوقتى وهى عايزة تكلمك عمرو :- طب ياسمين ..... ياسمين :- خد ماما معاك (((يا خرابى على الزنقة ))) مامتها :- السلام عليكم عمرو :- وعليكم السلام ( ضاااااااااع الواد ) مامتها :- اذيك يا عمرو عمرو :- تمام الحمد لله اذى حضرتك مامتها :- الحمد لله مامتها :- ياسمين كانت حكتلى عنك وبصراحة كدا انا قولتلها انها ما تكلمكش تانى بس هى مش راضية وانت عارف بقى دماغها ناشفة هههههههههههههه عمرو :- اه مانا عارف طب وحضرتك ليه كدا ؟؟ مامتها :- ياعمرو انت ذى باسم ابنى وعارفة انك بدرى عليك صح ولا لا ؟؟ عمرو :- مش بدرى ولا حاجة انا قدامى سنتين واتخرج من الكلية وسعتها ممكن انى اتقدم لياسمين وبعدين ياسمين لسة صغيرة
مامتها :- يااااااا يا عمرو ده انت لسة عاوز تكون نفسك ولسة قدامك جيش وموال هههههههههه طب وليه حضرتك ها تعقدينى (( الواد جاله احباط )) ههههههههه عمرو :- انا بس اتخرج من الكلية وربنا يحلها ولا فيها جيش ولا حاجة باذن الله وبعدين انا بحب ياسمين وهى كمان بتحبنى ,, وباذن الله نكمل مع بعض مامتها :- مافيش حاجة اسمها حب فى الزمن ده انت بس علشان شايف ياسمين حلوة شوية فمعجب بيها مش اكتر عمرو :- لا والله العظيم انا بحبها بجد وعمرى ما اقدر اتخلى عنها ولا انى استغنى عنها فى يوم (( وفضل عمرو كلمة من هنا وكلمة من هناك يقنع بيها والدة ياسمين بكلامه )) (( وفعلا نجح فى انه يقنعها )) ( مقنع اوى الواد ده ....طالع لى ) واثناء المكالمة كان سامع صوت ياسمين جمب مامتها وهى بتقول قفشات وبتعلق على كلام مامتها ذى خلاص بقى عقتى الواد كفاية كدا اشمعنا يعنى باسم وكان بيضحك عليها هو ومامتها وبعد ما المكالمة ما انتهت حس عمرو ان الدنيا بدأت تضحكله وان هم من على قلبه انشال واول ما روح بيته اتصل بيها تانى واتكلموا مع بعض عن كلام مامتها واى هو رد فعلها على كلام عمرو بس الواد كان ذى الاسد واقدر انه يقنعها بكلامه ويثبتلها انه قد المسئولية وقد كل كلمة بيقولها وقالت ياسمين لعمرو ان مامتها معجبة بشخصيته وبكلامه وانها عاوزة تشوفه وانها حكتلها على موضوع الدرس اللى بيروحه عشان خاطر عيونها وانها ممكن تطب فى اى لحظة قال يعنى عاوزة تطمن عليها بس هى ها تيجى عشان تشوفه مش اكتر واطمن عمرو لكلام ياسمين وانتهى اليوم بسلام لحد ماظهرت مشكلة جديدة وهى ان باسم شك ان اخته بتكلم حد فى التليفون و......
تنتهى الحلقة على كدا ااااااااااااااا
| |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| |
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) الجمعة أغسطس 27, 2010 6:12 pm | |
| افتكر بقى انا كدا بقت تمام اوى ومشيت معه على الاخر بس يارب ومفيش مشكله تحصلهم | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| |
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| |
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) الإثنين أغسطس 30, 2010 7:24 pm | |
| | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) الإثنين أغسطس 30, 2010 11:54 pm | |
| سورى مدخلتش امبارح فهحط النهاردة ان شاء الله الحلقة 10 و 11 و 12
| |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) الثلاثاء أغسطس 31, 2010 12:14 am | |
| الحلقه العاشره كنا انتهينا عند الفراق وازاى الفراق بيبقى صعب اوى اوى وخصوصا للعشاق اللى بيحبه بجد وبيخلصوا لحبهم بجد من كل قلبهم بس يا ترى عمرو خاين وكداب وانانى وضحك عليها وماحبهاش بعد كل ده !! طب ليه عمل كل ده من الاول ؟؟ وليه سابها من غير حتى وداع ويقولها على سبب ؟؟!! يا ترى ياسمين عملت حاجة غلط ؟؟ ياترى كان بيضحك عليها طول الفترة ديه ؟؟ ..... كل ديه اسئلة كانت بتدور فى عقل ياسمين بس بدون اى اجابة ومش لاقية اللى يرد عليها عمرو وقافل موبايله وكل اللى تسألهم عنه يحزروها منه طب بعد ايه ؟؟؟؟؟؟ ... بعد ما حبيته من كل قلبها... يلا نكــــــــمل ها نسيب ياسمين واللى هى فيه ونروح لعمرو ونرجع لليوم اللى عمرو اتصل بيه وقالها انه خلاص مش ها ينفع يستمروا مع بعض اى اللى خلى عمل يعمل كدا ها نعرف دلوقتى .................... والد عمرو :- بنت عمك جاية النهاردة ولازم تروح تجيبها من المطار عمرو :- اشمعنا والد عمرو :- ياعمرو انت عارف اشمعنا انت ؟؟!! ((وده موضوع قديم اوى ومعروف فى المجتمع المصرى ومنتشر جدااااا ...ان لازم ابن العم يجوز بنت العم عشان بنات العيلة ما تخرجش برة )) وهما متربين من صغرهم مع بعض ..... يعنى عمرو ما بيحسش قدامها غير انها اخته وبس ............وهى كمان ذى اخوها بس والد عمرها ووالدها مش شايفين كداااا عمرو :- يا بابا احنا ها نتكلم فى الموضع ده تانى مش كان انتهى من زمان والد عمرو :- يعنى ايه انتهى ديه بنت عمك وخطيبتك من وانت فى اللفة عمرو :- طب وانا ذنبى اى ؟ هى بالنسبة ليا مجرد اختى وبس وبعدين انا فيه واحدة فى حياتى وبحبها وما اقدرش احب غيرها وعاوز اتقدملها والد عمرو اول ما سمع الكلام ده اتجن اكتر واكتر والد عمرو :- وديه بنت مين البرنسيسة ديه كمان اكيد واحدة ......... من الشارع والدة عمرو :- براحة الكلام ما يبقاش كدا عمرو مش صغير والد عمرو :- افهم مين ابنك عاوز يجننى عمرو :- يا بابا انا حر وده مستقبلى وانا بحبها وهى بتحبنى ومتفقين على كل حاجة والد عمرو :- يعنى ايه متفقين .... ها تكسر كلمتى .... انا ابوك واعرف اكتر منك انت لسة صغير وما تعرفش حاجة عمرو :- لا انا مش صغير وعارف مصلحتى كويس وبعدين ان حر فى انى اختار شريكة حياتى (( وفى جزء اكتر من الثانية )) ينزل الم على خد عمرو والد عمرو :- ها تعمل اللى انا عاوزه وها تنفذه (( عمرو بيدخل اوضته ويقفل الباب )) وعشان ما حدش عارف اى حاجة فى اى حاجة ........... ودايما الاب والام بيحسوا ان ابنهم ده لعبة فى ايديهم يشكلوها ذى ما هما عايزين ..........وما لهمش حق حتى فى اختيار شريكة حياتهم ولا مستقبلهم ويستمر النقاش قصدى العراك بين عمرو ووالده وكانت مامته بتقنع عمرو انه يسمع كلام والده اختصار للمشاكل .......اخد والد عمرو الموبايل من عمرو ........ واجبره على الاتصال وانه ينهى كل حاجة ..........ولما عمرو رفض شاط الاب اكتر واكتر ووالدة عمرو ما بقتش عارفة تعمل اى ؟؟؟ خايفة على عمرو وما ينفعش تكسر كلمة والده .......... اقنعت عمرو انه يتصل ويقول الكلام اللى عمرو قاله ......... ووعدته انها تقف جمبه ........ وتساعده بس لما الامور تهدى وتحت الحاح الجميع اضطر عمرو انه يتصل ويقول الكلام اللى عمره ما اتخيل انه ممكن ينطقه وكانت كل كلمة بتطلع منه ...... وكان روحه بتتسحب بيموت كل مرة بينطق فيها كلمة وداع اخد والد عمرو من عمرو موبايله واتصل بالخطيب صحبه عشان ييجى ياخد عمرو ويروح المطار يجيب بنت عمه وانه يحاول يقنعه انه يدور على مستقبله وانه لسة صغير ..... ولسة ها يقابل كتير راح عمرو وهو شايل هموم الدنيا وعمال يفكر فى ياسمين وياترى بتقول عليه اى دلوقتى .. ؟؟؟؟ اقنعه الخطيب انه يهدى ويستنى يمكن مامته تعرف تعمل حاجة وبلاش انه يسابق الامور عدى يومين ولسة المشكلة ما اتحلتش اتصل عمرو ب ياسمين من موبايل صحبه وكانت النتيجة متوقعة ..... عمرو :- الو والدة ياسمين :- ايوة مين عمرو :- انا عمرو يا طنط والدة ياسمين :- عمرو .............. انت لسة ليك وش تتصل هنا عمرو :- طب ممكن افهم حضرتك اللى حصل والدة ياسمين :- لا مش عاوزة افهم اى حاجة والدة ياسمين :- وياريت تنسانا وتنسى ياسمين وما تحاولش تتصل هنا تانى ابدا وسيبها فى حالها وكفاية اللى شافته منك عمرو :- طب ..... والدة ياسمين :- خلاص يا عمرو ما ينفعش الكلام ياسمين خطوبتها كمان اسبوع ( ياااااااااااااااااااااااااااااااا لهوى ) عمرو :- نعم والدة ياسمين :- ذى ما سمعت ووما تحاولش تتصل هنا تانى من فضلك والدة ياسمين :- سلام اتجن عمرو وكره دنيتى وحياته بعد ما سمع الكلام ده ......عاوز يروح يرمى نفسه فى اى حتة ويختفى من الدنيا ......ما خلاص اللى حببته فى الدنيا راحت وضاعت من ايده وبسبب ايه ...... ؟؟ حاجة مش بايده كان هاين على عمرو انه يولع فى الدنيا ها يموت من حزنه عليها قلبه بيتقطع على حبيبه قلبه ولولا انه كان معاه صحبه وهداه الله واعلم كان اى اللى ها يحصل الخطيب :- يا عم انت اهدى بس اهدى شوية عمرو :- اهدى ايه انت مش شايف مامتها قالت ايه ؟؟ الخطيب :- يا عمر وانت اى اللى يخليك تصدق ....... ما يمكن بتقول كدا عشان تبعدك وتخليك ما تتصلش تانى عمرو :- لا لا لا لا لا عمرو :- عاوز اشوفها عاوز اكلمها مش قادر ها اتجنن معقول ها يبعد عنها معقول مش ها يشوفها تانى !! معقول ها تبقى لحد غيره !! معقول تنساه بالشكل ده !! معقول بعد ما القدر يخليه يشوف سعادة الدنيا وما فيها !! يخليه اتعس انسان فى الدنيا !! معقول القدر يلعب معاه ويدمر حياته !! يا ترى ها اعيش لمين من بعدك يا ياسمين !! بيقولها عمرو بكل حسرة والم وشوق وجراح الخطيب :- يا جدع اهدى بقى حرام عليك مش كدا الخطيب :- طب استنا انا ها اعرفلك كل حاجة (( الخطيب بيتصل باخوها على موبايله )) الخطيب :- الو باسم باسم :- ايوة الخطيب :- انا الخطيب ............ازيك يا باسم باسم :- الحمد لله الخطيب :- انا كنت عاوز اقابلك دلوقتى ضرورى باسم :- ليه ؟؟ الخطيب :- عاوزك بس فى حاجة ضرورية باسم :- عشان عمرو صح ؟؟ الخطيب :- ايه ده انت عرفت باسم :- اه عرفت كل حاجة وعيب اللى عمرو عمله ده على فكرة الخطيب :- يا عم طب انا عاوز اشوفك دلوقتى وها افهمك كل حاجة باسم :- تفهمنى اى ؟؟ (( ويخطف عمرو الموبايل من الخطيب )) عمرو :- ايوة يا باسم انا عمرو وعاوز اشوفك دلوقتى باسم :- اهلا يا عمرو ماكنش العشم يا عمرو ده احنا اصحاب عمرو :- ماهو عشان اصحاب يبقى لازم اشوفك دلوقتى باسم :- انتم فين ؟؟ عمرو :- انت فين واحنا نجيلك اتقابلو هما التلاتة وكان رد فعل باسم غريب جداااااااا
بس ..... ها نعرف فى الحلقه ال 11 كل حاجة | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) الثلاثاء أغسطس 31, 2010 12:20 am | |
| الحلقه ال 11
وندخل بسرعة وبدون مقدمات عشان المفأجات..؟؟ وصل عمرو والخطيب وباسم وتقابلواا هما التلاتة اتكلموا كتير اوى اقنع عمرو باسم انه فعلااا نيته كويسة وانه عاوز يتقدم لاخته وانه عمل كل ده عشان بيحبها وكان عاوز يتاكد الاول من مشاعرها........ ويصارحه بعديها وان كل اللى حصل ده مش بايده طب بعد اييييييييييه ....... قالها باسم وهو قاصد كل حرف فيها بعد ايه .... يا ريتك كنت فهمتنى من الاول ويا ريت اللى حصل ده ما كنش حصل عمرو :- ليه فى اى اللى حصل ؟؟ وبدأت نبضات قلب عمرو تتزايد .... قلبه بيدق فى الثانية الف مرة .. حاسس ان حبيبته ها تضيع بجد المرة ديه اكد باسم لعمرو ان والده بعد ما عرف الحقيقة ان ياسمين بتكلم واحد من وراه ....... غصب عليها انها لازم توافق على العريس ( ابن صاحبه ) وانها لو رفضت يبقى تاخد امها وتسيب البيت !!!! ماكنش فيه حاجة فى ايد ياسمين غير انها توافق وخلال يومين كل حاجة كانت اتحددت المهر .. الشبكة .. الخطوبة ... حتى ميعاد الفرح اتحدد كل ده حصل بين يوم وليلة كل ده حصل ازاى وامتى وفين ؟؟ كل ده بسبب حاجة هما الاتنين ما لهمش ذنب فيها غير انهم حبوا بعض من قلبهم بس ما يعرفوش ان نهاية حبهم ها تبقى على ايد القدر اللى ذى ما جمعهم صدفة .... صمم انه لازم يفرقهم برده صدفة اتجنن عمرو اكتر واكتر ... وما عرفش يعمل ايه غير انه جرى على البيت ذى المجنون عمرو :- مش انت قولتيلى انك ها تقفى جمبى وها تساعدينى فين كلامك دلوقتى ياسمين خلاص ها تتخطب وانتم السبب ولو حصل والله لموت نفسى وانتم بقى عيشوا بقية حياتكم ندمانين ...... ولا ليه تندموا وانتم اساسا مش حاسين بحاجة ... مش عارفين يعنى اى حب .... مفكرينى لسة صغير....... لا انا مش صغير واخترت شريكة حياتى وانتم اللى ها تضيعوها من ايدي وعمرى ما هاسامحكم على اللى عملتوه فيا..... قالها عمرو وهو مش حاسس بحاجة غير دموعه على خده ومامته بتحضنه ومش حاسة بنفسها ومش مصدقة اللى بتسمعه ......... اخدت رقم بيت ياسمين من عمرو واتصلت بوالدة ياسمين وصممت انها لازم تقابلها وقابلتها وفهمتها كل حاجة حصلت وانها على استعداد انها تروح لوالد ياسمين وتشرحلوا كل حاجة ...... وتفهمه ان والد عمرو على استعداد انه يقابله ...... لانه استحالة يقدر يشوف عمرو بالحالة ديه ... ووصفتلها اد ايه عمرو حزين وليل ونهار ماعندهوش سيرة غير ياسمين وقافل اوضته عليه وعامل ذى الاطفال وانها عمرها ما شفته بالمنظر ده قبل كدا ... بس للاسف ......... شرحتلها والدة ياسمين اد ايه والدها صعب جدااااااا ... وانه استحالة يخسر صحبه بعد ما اتفقوا تقريبا عل كل حاجة ........ وان ديه قسمة ونصيب ... وانها سعيدة بمعرفة عمرو ووالدة عمرو وان اللى فيه خير يقدمه ربنا ... وان كان ليه نصيب فيها ماحدش يقدر ياخدها منه وانها ها تعمل اللى عليها وربنا معاها....... والدة عمرو كانت بتسمع الكلام ده ومش عارفة هى ها توصله ازاى لعمرو .... وياترى عمرو ها يعمل اى لما يسمع كلام ذى ده..... وما قدرتش والدة عمرو تقول الكلام ده لابنها بس هو فهم كل حاجة من غير ما تقوله بمجرد انه بص فى عنيها وشاف دموعها فهم عمرو انه خلاص ما لوش نصيب فى ياسمين .... بس من جواه رفض الاستسلام اتصل بياسمين وكان من جواه نفسه يسمع صوتها لاخر مرة ...... نفسه يكلمها لاخر مرة بس مش نفسه يقول وداع .... كان من جواه متاكد ان ياسمين عمرها ما ها تبعد عنه وان استحالة الحب ده كله يضيع فى الهوا كل جزء من جسمه ها يفضل فاكر ياسمين ..... لان مش قلبه بس اللى حبها . اتصل عمرو بياسمين وسمع صوتها وكانه اول مرة يسمعه سامع نبض قلبها .. سامع دمع عنيها ... وبيرد قلبه عليها وبيقولها ما تخفيش يا ياسمين ... عمرنا ما ها نبعد عن بعض .. حتى لوافترقنا ها يفضل قلبى فاكرك
ياسمين :- بحبك يا عمرو وخايفة ابعد عنك .... خايفة يبعدونا عن بعض واحنا ما صدقنا نلاقى بعض .... خايفة ابقى لانسان تانى غيرك عمرو :- ما تخافيش يا ياسمين واوعك تقولى كدا تانى انا ها افضل معاكى لاخر لحظة فى عمرى وعمرى ما ها سيبك تضيعنى منى ابداااا ولو وقفت قدام الدنيا كلها بكى عمرو وبكت ياسمين وكانت دموعهم هى ضحية هواهم ...بس اكيد القدر مش ها يبعدهم عن بعض ابدااااااا .....وتمر الايام وتفوت وقلب عمرو مجروح ومش عارف يكلمها ومش فى ايده اى حاجة يعملها.... وبعد ايااااام بسيطة جدااااااا بيسمع عمرو ان خطوبة ياسمين النهاردة ......معقول اكيد ده بيحلم اكيد ده حلم مش علم ..... اصحاب عمرو حاولوا انهم يخففوا الصدمة عليه شوية بس كانه كان عارف من جواه ان ده ها يحصل وكان مستنيه وكأنه مستنى الموووووت حاولوا انهم يمنعوا بس عمرو صمم انه لازم يروح الخطوبة ويعمل اى حاجة ... صحابوا خافوا عليه ... الخطيب :- اكيد انت مجنون عمرو :- انا ابقى مجنون لو سبتها تضيع من ايدى ...لازم اعمل اى حاجة وبعد طول نقاش بينهم قرر عمرو انه لازم يروح بس اكيد صحابو مش ها يسيبوا فى يوم ذى ده وفعلاااااااااااااااااااااا راح عمرو الخطوبة ودخل القاعة بس كانت فيه مفأجاه وفجأأأأأأأأأأأأأأأأأأأأأأأأأه !!!!!!!!
| |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) الثلاثاء أغسطس 31, 2010 12:32 am | |
| الحلقه 12 والاخيره المفااااااااااااااااااااااجأة [ندعوك للتسجيل في المنتدى أو التعريف بنفسك لمعاينة هذه الصورة] كلنا طبعااا عاوزين نعرف اى هى المفأحاة واى هو اللى حصل بعد ما عمرو دخل القاعة نخوش على طول وبدون مقدمات.. دخل عمرو القاعة واول ما دخل وقعت عينه على ياسمين نبض قلبه واللى ما اتمناش حد فى الدنيا غيرها ... لابسة فستان الفرح كانت ذى البدر ليلة 14 مافيش اتنين يختلفوا على جمالها كل الناس قاعدة وفرحانة الا قلبين عمرو ....... وياسمين دخل عمرو وكانت فى نيته يعمل حاجات كتير اوى بس ما كنش متصور انه اول ما هيخش عينه ها تقع عليها خاف انها تشوفه ... استخبى وفى عينه الف دمعة والف سؤال ؟؟ طول عمره بيحلم بيوم ذى ده يوم ما يقعد جمب ياسمين فى الكوشة والناس فرحانة كان دايما شايف نفسه جمبها فى بدلة الفرح وهى بفستانها الابيض اتكلموا مع بعض عن اليوم ده كتير وقد اى هما الاتنين استنوه بس اللى عمرهم ما اتوقعوا ان عمرو ما يبقاش جمب ياسمين ...... افتكر عمرو كل كلمة قالتهاله ياسمين افتكر كل لحظة كانت معاه فيها افتكر اول يوم شافها.......افتكر يوم ما خطفت قلبه افتكر يوم ما قالتله بحبك يااااااااااااا حاجات كتير اوى كانت جواه وجواه حاجات كتير نفسه يعملها عاوز يهد الدنيا عاوز يخطف وياسمين ويطير بيها على فرسه الابيض ذى ما كان بيقرا فى الرويات بس مش دايما الحقيقة بتنتهى بالنهايات السعيدة ذى روياته .... بس ما اقدرش يعمل غير حاجة واحدة وبس ان عنيه تدمع على فراق حبيبته وعلى امله فى انها ترجعله بكى عمرو كتير اوى وهو واقف مكانه من غير ما يقدر يتحرك وكأن رجله اتسمرت فى الارض صحابوه شافوه ما صدقوش ان هو ده عمرو صاحبهم اللى الضحكة ما كنتش بتفارق شفايفه معقول الحب يعمل فيه كدااا!!! ااااه لانه بيحب بجد لان قلبه فى يوم ذى ده كان بيتخلع من جواه ما اقدرش عمرو انه يكمل اخدوه صحابوه وطلعوا برة حصلتله حالة ذى الهيستريا انتهت بانه فتح عينه لقى نفسه على سريره ودموعه لسة فى عنيه ومش هو لوحده ديه دموع كل اللى حوليه فى اللحظة ديه عرف عمرو ان حياته خلاص انتهت وما بقاش ليها لزمة ها يعيش ازاى وهو كان عايش ليها بيتنفس ليها بيحلم بيها عاشق كل مافيها قرر عمرو انه يبعد وذى ما بيقوله لو ليه نصيب فيها هتكون له مهما حصل قعد عمرو طول الليل حزين ... بيفكر فيها طب هى اى شعورها دلوقتى حاسة ب ايه ؟؟ زعلانة اد ما انا زعلان ولا خلاص استسلمت للدنيا وسلمت امرها وقلبها لواحد تانى خلاص نست كل اللى ما بينهم نسيت كلمة بحبك اللى قالتهاله وهو حس بيها نسيت كل الكلام اللى اتقال نسيت هو عمل قد اى عشان يوصلها وكل ده راااااااااااح[ندعوك للتسجيل في المنتدى أو التعريف بنفسك لمعاينة هذه الصورة]ولا هى كمان اتظلمت فى الدنيا ذى ما انا اتظلمت يمكن تكون هى كمان اتظلمت اكتر منى يعنى مش كفاية انها تسيب حبيبها لا وكمان ها تكمل حياتها مع واحد مش بتحبه ... عاش عمرو وما عندهوش غير املين انها تكون مكتوباله وترجله تانى او انه يحاول ينساه.......... عرف عمرو انها خلاص اتجوزت ما اقدرش عمرو انه يعمل حاجة غير انه يسلم امره لربه ويدعلها من كل قلبه يااااااا رب اسعدها فى حياتها ... ويارب الانسان ده يحبها ويخاف عليها ويسعدها اكتر منى وتفوووووووت الايام على عمرو وتعدى سنين من عمره وهو لسة ذى ما هو يمكن يكون قدر ينساها بس لسة الذكريات جواه فى قلبه كمل حياته بدون حب مستنى يلاقى حب جديد يكمل بيه عمره اللى فاضل من غير ما يشوف ياسمين ...
[ندعوك للتسجيل في المنتدى أو التعريف بنفسك لمعاينة هذه الصورة]
وفى يوم كان ماشى عمرو وحس ان الدنيا كلها وقفت فى لحظة ومش قادرة تمر الزمن من حواليه كله واقف فى مكانه افتكر كل سنين حياته فى لحظة واحدة لحظة ما وقعت عينه على ياسمين يااااااااااا بعد السنين ديه كلها يرجع يشوف ياسمين وكان القدر مش سايبه فى حالها بعد ما داوه جراحه يرجع القدر من تانى يجرحه شايف ياسمين قدامه ذى ما هى لسة ما اتغيرتش ما اتغيرش فيها غير حاجة واحدة بس .... انها بقتأم... يااااااا كانت صعبة اوى على عمرو انه يشوف ياسمين فى موقف ذى ده شايله بنتها على ايديها معقول ديه ياسمين اللى كنت بحلم انا وهى ورسمنا حياتنا ومستقبلنا سوا وما فكرناش ابدااااا ان يوم ذى ده ممكن يمر علينا انى اشوفها هى وبنتها شافته ياسمين وعنيها بتقوله كلام كتير اوى ما فهمهوش عمرو لان عنيه كانت مشغولة ازاى تدارى دمعتها... جرى عمرو على بيته دخل اوضته ومش مصدق اللى شافه ... طفى عمرو النور وولع شمعة واحدة بس وكانها عمره اللى بيتحرق لفراق حبيبته ومر شريط حياته كله قدام عنيه عنيه اللى مش قادرة تنسى ياسمين مسك عمرو قلم وحاول يكتب اللى جوه قلبه بس مش هو اللى بيكتب قلمه حاسس كل تنهيدة بطلع من عمرو وبيترجمها لحروف وكلمات ولما انتهى عمرو وهو مش عارف هو كتب ايه حاول يكتب اسمه واسمها بس اكتشف انه خلاص مش مسمحوله انه حتى يفكر فيها او انه يكتب اسمها على قصته غير عمرو اسمه واسمها وكتب[ندعوك للتسجيل في المنتدى أو التعريف بنفسك لمعاينة هذه الصورة]يوميـــــات عمرو وياسمـــــــين [ندعوك للتسجيل في المنتدى أو التعريف بنفسك لمعاينة هذه الصورة]..... واخر كلامه كان ....
كنت معاها بحلم بهواها مستنى اشوفها ..... او المح طيفها اجرى عليها وامسك ايدها ما أنا أصلى فى يوم كان اسمى حبيبها وتفوت سنين وانا حزين ...... والحلم يروح ويبقى جروح وحبيبى فى قلبى منين ما ارووح واتمنى اشوفها ولو لثوانى وافتكر ايامى معاها من تانى اضحك على نفسى واقول انسااها ديه ايام فاتت وياها ولو تدور تلاقيها نسيانى يمر شريط حياتى قدامى حياتى ال ما عشتش غيرها ومع غيرها ما عشتش انا فين الحب فين العشق فين الغنا فين الهنا كله راح كله اتبخر واللى اتبقى حبى أنااااااااااااااا وف لحظة عينى تيجى عليها تبتسم والدموع مالية عنيها ماهى مش لوحدها دى معاها....... بنتها فى عنيها كلام وسلام ذكرى وشوق وغرام شايلاه جواها من زمان من أيام نفس المكان بس عدى عليه كام سنة لحبيبها ده اللى هو اناااااا ليه يا زمن تعمل كدا وتضيع حبنا بالشكلدة خلاص بقت ام وعندها بنتها طب ليه ما ابقاش انا الاب والبنت ديه بنتى اناااااااااااا [ندعوك للتسجيل في المنتدى أو التعريف بنفسك لمعاينة هذه الصورة]وبكدة تنتهى يوميات عمرو وياسمين ... الجزء الاول وانتظروووووووووووونا مع الجزء التانى من عمرو وياسمين 2 يوم الوقفة [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
توم كروز -{ عضو v.i.p }-
الجنس : مشاركاتي : 3753 العمر : 35 محل الاقامة : ارض الله نقاط : 7317
| موضوع: رد: (¯°•._يوميات عمرو وياسمين , عمرو وياسمين _.•°¯) الجمعة سبتمبر 03, 2010 6:07 pm | |
| كتير القصه جميله تسلم ايدك يا دلوعه | |
|
| |
دلوعة المنتدى -{ عضو v.i.p }-
الجنس : مشاركاتي : 4716 العمر : 33 محل الاقامة : فى بيتنا نقاط : 12151
| موضوع: رد: (¯°•._يوميات عمرو وياسمين , عمرو وياسمين _.•°¯) السبت سبتمبر 18, 2010 7:34 am | |
| الجزء التانى من عمرو وياسمين | |
|
| |
| (¯°•._يوميات عمرو وياسمين , عمرو وياسمين _.•°¯) | |
|